Nalliuttorsiorluni tusarnaartitsineq
Zikaza nalliuttorsiorluni tusarnaartitsissaaq
Zikaza tallimanngornermi 'Miki goes to Nuussuaq' ukiuni 30-nngortorsiorlugu Nuummi tusarnaartitsissapput
Nipilersoqatigiit nuannarineqarluartut Zikaza tallimanngorpat kulturikkut illorsuarmi Katuami Nuummi tusarnaartitsissapput, tassani nipilersoqatigiit saqqummersissimasaat 'Miki goes to Nuussuaq' 10.000-it sinnerlugit tunisaasimasoq, ukiuni 30-ni nalliuttorsiussavaat.
Nipilersoqatigiit naapertorlugit “Miki goes to Nuussuaq” tusarnaartitsinissami qitiutinneqassaaq, Zikazakkulli atugaat allat aamma tusarneqarsinnaassapput.
Aamma atuaruk: Kulturikkut nersornaat Siiva Fleischerimut
Nipilersortartutoqqat appisimaassasut
Massakkut nipilersoqatigiinni peqataasut saniatigut Kristian Helmer Petersen, Ole Himmelstrup, Jeppe Barkmann, Aviaja Lumholt aamma Peter Jensen tallimanngornermi nalliuttorsiorluni tusarnaartitsinermi peqataassapput.
Zikaza 1980-imi Århusimi pilersinneqartoq, 2000-imiik uninngareerlutik 2006-imi aallarteqqipput. Tassani nipilersoqatigiit Nuummi najugaqarput, Siiva Fleischerilu 1980-miilli erinarsortuusimasoq kisiat pinnagu nipilersoqatigiit tamarmik nutaanik taarserneqarsimallutik.