isumasiuineq
WWF Verdensnaturfondenip HS Analysemut misissuisitsinerani tamanna paasinarsivoq.
Kalaallinik misissuisitsinerup takutippaa inuit sisamaagaangata inuit pingasut uuliasiornissamik misissuineq akerlerigaat. Uuliasiornermik misissuinissaq imartamit ungasittumiippat aatsaat aamma akuerisinnaavaat, tassani aalisakkat piniarneqartartullu eqqarsaatigineqarput
Aalisarfiusartuni piniarfiusartunilu uulisiornissamut misissuiniartut qanippallaarnerat pissutigalugu misissuinissat unitsinneqartariaqarput.
Kalaallit Nunaanni innuttaasut taamatut isumaqarput. Kalaallit Nunaata imartaani uuliasiornissamut misissuinissaq innuttaasut 75 procentiisa akerleraat. Aalisarneqartartut piniarneqartartullu aatsaat eqqugaassanngippata misissuinissat akuerisinnaallugit aamma oqariartuuteqartoqarpoq.
WWF Verdensnaturfondenip HS Analysemut misissuisitsinerani tamanna paasinarsivoq.
- Kalaallit Nunaata imartaani uumasut kalaallinut aningaasarsiutaapput. Taamaattumik uuliasiornissamut akerliusut isumaat aamma tusaaneqartariaqarput misissuinissamik akuersissutinik tunisisoqannginnerani, WWF Verdensnaturfondenimit Gitte Seeberg tusagassiutinut nalunaaruteqarpoq.
Immikkoortortaqarfeqatigiit
Immikkoortortaqarfiit aalisarfigineqartartut uulisiornissamullu misissuinissamut siunnerfigineqartut immikkoortortaqarfeqatigiipput. Sumiiffinnimi ilaanni aalisarfiusartuni uuliamik misissuisoqassaaq, tamanna WWF-imit eqqumaffigineqaqquneqarpoq.
Aalisartut piniartullu namminersortuusut uuliasiornissamut misissuinissamut akerliunerpaasut misissuinerup 2014-mi decembarimeersup takutippaa. Aalisartut piniartullu 9 procentiinnaasa uuliasiortoqarnissaanik misissuinissat akuersaarpaat.
Aalisarfigineqartartut uuliasiornissamullu misissuinissanut siunnerfigineqartut sumiinnersut NunaGIS.gl-imi takuneqarsinnaapput. Nunap assinga uani takuneqarsinnaavoq.