MSC-mik allagartaliineq

WWF: MSC-mi allagartaliineq aalisarnermut angusaavoq annertooq

Kitaani kilisalluni qaleralittat MSC-mik allagartalersorneqarnissaannut akuersissuteqarneq, pinngortitaq pillugu nunarsuaq tamakkerlugu suliniaqatigiiffiup WWF-ip nuannaarutigaa.

MSC-mi allagartaliineq aalisarnermut angusaavoq annertooq, WWF taama oqarpoq. Allagartalersuineq Kitaani avataasiorluni qaleralittanut taamaallaat atuuppoq.

- Kitaani avataasiorluni qaleralinniarnerup MSC-mik akuerineqarnissaata ukiuni arlalinni suliniutigineqarluni maanna anguneqarnera, kalaallit aalisartuinut angusaavoq angisooq pingaartorlu. Nunarsuarmi qaleralinniarnerit annersaat MSC-mik allagartalerneqarpoq, WWF-imiillu Sustainable Fisheries Greenland aamma kalaallit aalisartui pilluaqquagut.

Aamma atuaruk: RG-p pisortaanera: MSC-mik allagartalersuineq alloriariarneq pingaarutilik

Pinngortitaq pillugu nunarsuaq tamakkerlugu suliniaqatigiiffiup WWF-ip Nuummi immikkoortortaqarfiani sulisoq, Kaare Winther Hansen, Kitaani avataasiorluni qaleralinniarnerup MSC-mik allagartalersuinissap akuersissutigineqarneranik nutaarsiassiisoqarnerata kingorna taama oqarpoq.

Suli pitsanngorsaasoqarsinnaasoq

Akuersissummillu tunniussisoqaraluartoq aalisarnerup iluani pitsanngorsagassaqarpoq.

Aamma atuaruk: Qalerallit MSC-mik allagartaliinerit

- Kalaallit Nunaanni inatsisiliorneq pitsaanerusariaqarpoq, aalisarnerup sumiiffinnut sunnertiasunut akornutaannginnissaanik qulakkeerisussamik aammalu sumiiffinni ullumikkut killilersugaanngitsumik qaleralinniarfiusuni pisassiissutinik aalajangersaaviusumik, Kaare Winther Hansen tikkuaavoq.

Aamma atuaruk: Piuaannartitsineq atuisartunut pingaarutilik

Powered by Labrador CMS