MSC-mik allagartaliineq
WWF-imi aalisarnermik inuussutissarsiortunut nersualaarinninneq
Qaleralinniarneq piujuaannartitsisutut allagartaqalilermat, pinngortitamut aamma avatangiisinut suliniaqatigiiffiup nuannaarutigaa
Pinngortitaq aamma avatangiisit pillugit suliniaqatigiiffiup WWF-ip, aalisarnermik inuussutissarsiuteqartut nammineerlutik avataani qaleralinniarneq MSC-imik allagartaqarlernissaanut suliniuteqarmata nersualaarpai.
Allagaraqalernarata kingunerissavaa, aalisarneq piujuaannartitsinermik tunngaveqartoq pisisartut qularnaveeruteqarnerat.
Atuaruk: Qalerallit avataani pisat MSC-mut nalilerneqalersut
Peqatigiiffik Sustainable Fisheries Greenland allagartartaarnissamut qinnuteqaammut suliniuteqartuuvoq.
Raajarniarneq kiisalu nipisanniarneq siornatigut pilerigineqartumik MSC-mik allagartalerneqareernikuupput.
Nuannertoq
- Nuannertorujussuuvoq inuussutissarsiorfik piujuaannartitsineq tunngavigalugu aalisarnermut nammineq suliuteqartoq, aammalu paasigaat nunarsuarmi atuisut akisussaassuseqarnermik piumasaqaateqartut. Tamanna kalaallit aalisarnerannut siunissamut qulakkeerinninnermut peqataasinnaavoq, aammalu kinguaariit tulliuttunut aalisarnermik inuussutissarsiornissamut periarfissaqassalluni, WWF-imi biologi Kaare Winther Hansen oqaaseqaammini oqarpoq.
Nunarsuarmi siullersaasut
Taanna isumaqarpoq, kalaallit qaleraliinik MSC-imik meqqiliineq Kalaallit Nunaanniinnaanngitsoq pitsaasumik sunniuteqarsinnaasoq.
- Kalaallit qaleralinniarnerat nunarsuarmi siullersaalluni MSC-mut nalilerneqartussat siullersaraat. Taamaattumik Kalaallit Nunaat aalisarnermut piujuaannartitsitsinerusumut saatsitsisinnaavoq, aalisarfinnullu allanut maligassiuisuulluni, WWF-imi biologi erseqqissaavoq.
- Kisianni suliassarujussuaq utaqqivoq. Saniatigut pisat aamma immat ajortiasoqarfiusut ilaatigut ukkatarineqassapput, tassani kilisaatit koralit ajoqusertarpaat, Kaare Winther Hansen oqarpoq.