Pituffik
Web-TV: Folketingimi Pituffik pillugu oqallittut malinnaaffigikkit
Pituffimmi kiffartuussinissamut isumaqatigiissutip annaaneqarsimanera pillugu Folketingimi apeqqarissaartoqassaaq pingasunngornermi
Kalaallit Folketingimi ilaasortaatitaat, Siumumit Nick Nielsen aamma Inuit Ataqatigiinnit Johan Lund Olsen, kiisalu Inatsisartuni Nunat allanut Sillimaniarnermullu Ataatsimiititaliami ilaasortaasut Inuit Ataqatigiinnit Sara Olsvig kiisalu Atassummit Steen Lynge aamma nunamut namminermut naalakkersuisoq Siumumit Vittus Qujaukitsoq, Pituffimmi kiffartuussinissamut isumaqatigiissutip annaaneraqarsimanera pillugu Folketingimi apeqqarissaartoqarnerani malinnaassapput ullumi pingasungornermi.
Folketingimi ilaasortaasut ataatsimiinnermi peqataassapput, tassani nunanut allanut ministeri Martin Lidegaard, Radikale Venstre, isornartunik apersorneqassaaq. Kiffartuussinissamut isumaqatigiissutip annaaneqarnera kalaallinit akuersaarneqarsinnaanngitsutut isigineqarpoq.
Ataatsimiinneq nalunaaqutaq 09.00-mit 11.00-ip tungaanut ingerlanneqassaaq, danskit nalunaaqutaat malillugu 13.00-imit 15.00-ip tungaanut ingerlassalluni.
Oqallinnermut malitsigitiinnarlugu aalajangiissutissaq, Folketingimit taasissutigineqartussaq allanneqassaaq. Taamaaliornikkut Johan Lund Olsenip danskit naalakkersuisuinut piumasarissavaa Kalaallit Nunaanni innuttaasut Pituffimmi sakkutooqarfimmik – Amerikamiut atuisutut akilerneq ajugaannik - iluaqutissarsinissaat siunissamut qularnaaqqullugu.
OQALLINNEQ ATAANI TAKUNEQAQQISSINNAAVOQ
Folketingimi oqallinneq ugguuna malinnaaffigineqarsinnaassaaq