Fliminik takutitsineq
Washingtonimi filmfestivalertitsineq kalaallinit peqataaffiigineqassaaq
Greenland Eyes filmfestivaliuvoq nunani assigiinngitsuni takutinneqartartoq - USA-mi ulluni makkunani kalaallit filmiliaannik takutitsisoqarpoq
Annonse
Filmfestivali Greenland Eyes USA-miippoq ulluni makkunani. USA-mi illoqarfiit pingaarnersaanni Washington D.C-mi kalaallit filmiliaannik takutitsisoqaqattaarpoq.
Filmfestivali Den Hvide Husip eqqaani inissisimavoq.
Filmfestivali Ivalo Frankimit aaqqissuunneqarpoq, ilaatigut Inuuteq Holmimit suleqatigineqarluni.
Filmit maajip arfineq pingajuanit qulingata tungaanut takutinneqassapput inuit 4.000-4.500-illu akornanni filminik nunatsinneersunik takusaqarnissaat naatsorsuutigineqarpoq.
- USA-mi kalaallit filmiliaannik takutitsisinnaanerput nuannaarutigaarput. Suleqatigiinnerput pitsaasorujussuuvoq, tassani pitsaanerpaaq anguniarlugu sulisarpugut, Ivalo Frank oqarpoq.