Kujalleq

Wæver atuarfinnut angalaarpoq

Meeqqat atuarfiata pitsaassusia pillugu borgmester Jørgen Wæver Johansenip ilinniartitsisut oqaloqatigai

Siumut, ekstraordinær generalforsamling, Nuuk, Katuaq
Jørgen Wæver Johansen

Kommune Kujallermi kommunalbestyrelsi aalajangerpoq 2016 meeqqat atuarfiata ukiorissagaa.

Taamaattumik borgmester Jørgen Wæver Johansenip ilinniartitsisoqatigiinnik ataatsimeeqateqaqattaarnini aallartippai, tamannalu Narsami aallartippoq, taamatut paasissutissiivoq kommuni.

Pitsaanerpaat piumasarai

– 2016 meeqqat atuarfiata ukiuatut suaarutigisimvarput. Tamannalu aallartikkusuppara ilinniartitsisunik toqqaannartumik oqaloqatiginninnermik, oqaluttuullugillu tapersersorlutigit, tamannalu peqatigalugu pitsaanerpaamik sulinissaat piumasarigipput, Kujalleq.gl naapertorlugu ataatsimiinnerup kingorna borgmesteri erseqqissaavoq.

Borgmesterip saniatigut ataatsimiinnermi peqataapput kommunip qullersaannik ataqatigiissaarisoq, atuarfinnik ingerlatsivimmi pisortaq kiisalu meeqqanut kulturimullu ingerlatsivimmi pisortaq.

Kulturikkut tupattut

Oqaloqatigiinnermi pingaartinneqartut ilagaat meeqqat atuarfiata, meeqqat atuarfianniit ilinniarnertuunngorniarfinni ilinniagaqarfinnut iluatsilluartumik ikaarsaariartitsinissaminut qulakkeerneqarnissaa. Tamatumanilu Jørgen Wæver Johansenip oqaatigaa Campus Kujallermi GU-mi NI-milu ilinniagaqartut amerlasuut kulturikkut tupassuteqartartut, ilinniagaqarfimminni nutaami aallartikkaangamik.

Powered by Labrador CMS