pilersaarutit
Wæver: Asii oqaluttualiarpalaartumiippoq
Isornartorsiuisut naapertorlugit pilersaarutit kamassaataapput pivisiorsiorpalaaratillu. – Tamanna namminiilivissorniarnermik sulissutiginninnermut ajoqutaarujussuarsinnaavoq, Borgmesteri oqarpoq
Illoqarfiit pingaarnersaat pillugu pilersaarutit saqqummiunneqartut piviusorsiorpalaanngillat takorluukkersaarinnaapput.
Taama ersaritsigisumik Siumumi siulittaasup tullia aamma Kommune Kujallermi borgmesteri Jørgen Wæver Johansen nalunaarpoq.
Taassuma isumaa malillugu Kommuneqarfik Sermersuumi kommunalbestyrelsip - borgmester Asii Chemnitz Narup siuttoralugu – nunap ataqatigiinnera siunissami pisuusaartitsinermik saqqummiussilluni asorujussuaq tativaa, tamatumani Nuummi innuttaasut ukiuni aggersuni 13-ini 80 procentinik amerliartornerannut Nuum- mi inissaqartitsiniartussaapput.
Sapaatit akunnerata matuma siuliani AG -mi saqqummersumi kommunalbestyrelse illunut/inissianut 7.000-inut, meeqqerivinnut, atuarfinnut attaveqaatillu annertusarujussuarneqarnerannut, tassunga ilanngullugu 400 millioner koruuninut sullorsualiornissaq, aningaasaliiniarluni takorluuivoq. 2030-mi innuttaasut 30.000-unissaat takorluugaavoq.
- Naluara tamanna angunia- gaanersoq kisianni Kommuneqarfik Sermersuumit saqqummiussaq nunap sinneranut kamaassarinertut sunniuteqassaaq. Aamma akisussaasut akissuteqartoqarnissaanik naatsorsuutigisaqartariaqarput. Siornatigulli kommunimut tunngatilugu aporaatoqartartorujussuuvoq, tassami Nuuk pillugu periaasisssani oqaatigineqartutut uagut amerlanerusugut inuiaqatigiit sanileriittuusillutik ingerlasut pilersinneqarnissaat kissaatiginngilarput, Jørgen Wæver Johansen, killormut ingerlasoqarnissaanik kaammattuisoq oqarpoq:
- Immitsinnut nassaareqqinnis- satsinnut piffissanngorpoq innuttaasullu pineqavissortut eqqissisilugit. Nunap ineriartortinneqarnissaa pillugu aaqqissuutissamik inuit amerlanerit iluarisaannik nassaarsinnaalluta qularutiginngilara.
Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisiariuk: