KNR
Voice of Greenland nipaarussinnaavoq
KNR-ip aqutsisuinut iliuuseqaqqusineq ullormiit ullormut alliartuinnavippoq. Maanna inatsisinik paasisimasallip naqissuserpaa, KNR-ip radioqarfimmik niuerneq toqqammavigalugu ingerlanneqartumik pisisimanera, ingerlavissamut kukkulluinnartumut aallartitsisinnaasoq
Kalaallit tusagassiuutaat pillugit inatsisinik paasisimasalik, eqqartuussissuserisoq Nicholas Symes, Nuummi radioqarfimmik niuerneq toqqammavigalugu ingerlanneqartumik KNR-ip tigusisinnaanera annertuumik apeqquserpaa.
- Oqallisigineqarujussuartariaqanngilaq: KNR-ip tusagassiuutit akornanni angissutsini atornerlullugu unammilleqatigiinnermut iluaquserniarsarissaguni, taamatullu ussassaarutitigut isertitani amerlisillugit, taava inatsisinik unioqqutitsissaaq. Allamik naamik, inerteqqutaavoq, taanna AG-mut oqarpoq.
- Taamaattumik pineqartumi – inatsisit naapertorlugit – Voice of Greenland pisiarisinnaavaat kingornalu ussassaarutitigut isertitat atorlugit ingerlallugu?
- Aappaatigut ussassaarutit atorlugit KNR-ip aningaasarsiorsinnaanera inatsisit naapertorlugit inerteqqutaanngilaq. Aappaatigullu mianersoqqissaanngikkunik unitsinneqarsinnaapput. Nunap karsiata aningaasaatai atorlugit namminersortunik ingiaanniarsinnaanngillat, Nicholas Symes akivoq.
Allaaserineqartoq AG-mi atuarneqarsinnaavoq. Aviisi sapaatip akunnerani matumani saqqummersoq ataani pisiarineqarsinnaavoq: