VM-playoff
VM-imut anngunniunnermi Danmarkip Irland playoff'imi unammissavaa
Danmark, Irlandilu ukiup tulliani VM'imut anngunniullutik playoff'imik unamminissaanni, hjemmebaneqqaassaaq
2018-imi Ruslandimi VM'ertoqarnissaanut anngunniunnermi Danmarkip isikkamik arsaallutik nunanut allanut unammisartuisa Irland playoff'imi marloriarlutik unammissaavaat.
Danmark hjemmebaneqqaartuussaaq ullullu pingasut qaangiunnerini Irlandimut unammiartussallutik.
Unamminerit ullussai suli nalunaarutigineqanngillat, unamminerilli 9. aamma 14. november akornanni ingerlanneqassapput.
Makitsinermi Danmarkip Sverige, Nordirland imaluunniit Grækenland unammisimasinnaangaluarpai, spaniamiullu arsaattartuusimasup Fernando Hierro'p Irland Danmarkimut unammisussanngortippaa.
Irlandip november 2013-imiilli Nordirlandimiu Martin O'Neill sungiusaasorilersimavaa. Taassuma ukua ilaatigut unammisartuutigai Shane Long (saassussisartoq, Southampton), David Meyler (midtbane, Hull City) aamma Robbie Brady (midtbane, Burnley)
Irland gruppikkaarluni anngunniunnermi kingullermi Wales'imut 1-0-mik ajugaanermigut playoff'inut annguppoq. Unamminerulli inernerata kinguneraa, Irland anngunniuttuni aappaattut inissinnerlunnerpaatut tullinngornera. Serbia gruppimi ajugaavoq.
Irland 2002-imi VM'ertoqarnerani kingullermik peqataavoq.