Vivian Motzfeldtip tuluit oqaasiinik ilinniartitsilernissaq piareersassaagaa

Ilinniartitaanermut, Kultureqarnermut, Ilageeqarnermut, Nunanullu Allanut naalakkersuisunngortoq ilinniarnertuunngorniarfimmi ilinniartitsisutut tunuliaqutaqarpoq

Ilinniartitaanermut, Kultureqarnermut, Ilageeqarnermut Nunanullu allanut Naalakkersuisutut sulinermini ullormi siullermi suliassanik pulaffigisassaqarluni ulapputeqalereerpoq, marlunngornermi naalakkersuisutut ivertinneqarnini nuannersumik misigaa.

Aviisi Sermitsiaq allappoq.

- Tassa soorunami uannut ulloq nuannerpoq, nuannersumik misigisaqarfigivara aamma tulluusimaarlunga suliasamut ivertinneqarnera ullormi tassani taamatut misigiffigivara. aammalu nalunngeqqissaarlugu akisussaaffik qanoq annertutigineqartoq maninguullunga misigissutsit tamaasa atorpakka, soorunami aamma sinerissaminngaanneerama qanigisakka najuuttorinnginnakkit eqqaamaqaakka ullormi tassani, Vivian Motzfeldt (S) oqarpoq.

Tunngaviusumik inatsisiliornissaq pillugu isumalioqatigiissitami ukioq kingulleq siulittaasunngorpoq, Kalaallit Nunaanni tunngaviusumik inatsisissamik siunnersuuteqartussatut suliassaqarluni. Tamannali maanna naalakkersuisunngornermini suliassariunnaarpaa. Inatsisartunut qineqqusaarnermini matumani 206inik taaguunneqarpoq, siuliant 53inik amerlanerusunik taaneqarluni

Allaaserineqartoq aviisimi Sermitsiami atuaruk. Aviisi uani pisiarineqarsinnaavoq:

Powered by Labrador CMS