Vittus: Partii Naleraq akisussaaffimminit qimaavoq
Partii Naleqqap piffissami sivikitsumi naalakkersuisooqataanermini suliassanik kivitseqataanera naammaginanngilluinnartoq, Partii Nunatta Qitornaasa siulittaasua Vittus Qujaukitsoq naliliivoq
Naak massa Partii Naleraq imminut suaarutigisaraluartoq nunatsinni sanngiinnerusortatsinnik aammalu avinngarusimasumi aalisartunut piniartunullu illersuisuunerarluni, partiip ersersippaa naalakkersuinermik suliaqarnissaminut qanoq inerisimanngitsiginerluni qanorlu naatsorsuutigisassaanngitsiginerluni, Vittus Qujaukitsoq Partii Naleqqamut sakkortuumik isornartorsiuivoq.
Sermitsiaq allappoq.
Pisuutitsisut
– Naalakkersuisut siulittaasuata annertuumik tatiginninneq utaqqisinnaassuseqarnerlu, tunuliaquttaminut, uagutsinnullu naalakkersuisooqataasunut takutippai. Taamaattorli maanna qaammatit sisamaannaat ingerlareersullu Partii Naleqqap toqqarpaa matumik matorluilluni naalakkersuisooqatigiit qimassallugit, qimatsinerminullu atatillugu arlalitsigut pisuutitsilluni, uanga naalakkersuisooqatigiinni peqataasutut sakkortunerpaamik
illuatungilersinnaasannik, Vittus Qujaukitsoq (NQ) tikkuaavoq. Hans Enoksenip
Partii Naleqqap suleqatigisani inuiaqatigiillumi sumiginnaannanngilai, aammali kamassarluni iliuuseqarnermigut akisussaassuseqanngissutsi ersersitsisoq, Vittus Qujaukitsoq isumaqarpoq. Taanna aamma Hans Enoksenimut isornartorsiuivoq.
Vittus Qujaukitsup apersorneqarnera tamakkiisumik Sermitsiami atuarneqarsinnaavoq. Aviisi uani pisiariuk: