FN-imut maalaarut
Vittusip peqateqarsimannginnera atuartartut isoringaat
Vittus Qujaukitsoq Naalagaaffiit Peqatigiinnut maalaarutaa Naalakkersuisunit eqqartorneqaqqaarani, kukkuneruvoq. Sermitsiaq.AG-mi atuartartut amerlanerussuteqartut, taama isumaqarput.
'Taamaaliortussaanngikkaluarpoq. Politikkikkut tapersorneqassaaq' . Vittus Qujaukitsup, Naalagaaffiit Peqatigiinnut Danmarki maalaarutaa pillugu Sermitsiaq.AG-mi atuartartut 68 procentiisa taama oqariartuuteqaput.
Ataasinngornermi ullaakkut nal 06:00 2.033-it taasisimapput, 32 procentiinnaasali politikkeri iliuuseqarsinnaanera ajorinagu oqariartuuteqarput.
Aamma atuaruk: Vittus Naalagaaffiiit Peqatigiinnut maalaaruteqarnera eqqortuua? Qanoq isumaqarpit?
Ilimasaarut
Taasititsineq inuit isumaannik paasiniaanerunngilaq, taamaammat inuiaqatigiinni isumaq allaanerusinnaavoq. Taamaattoq ilimagineqarsinnaavoq Vittus Qujaukitsup peqateqarani Naalakkersuisut avaqqullugit iliuuseqarsimanera isorineqangaatsiarpoq.
Peqateqarani iliuuseqarsimanera pinerullugu isornartorsiorneqangaatsiarpoq. Oqaaseqartarfimmimi sammisaq pillugu isornartorsiuisoqangaatsiarpoq.
Saliisoqaassaaq
Sakkutooqarfiusimasuni saliisoqarnissaa tamanit isumaqatigiissutigineqarpoq. Oqaaseqartarfinnili Danmark USA-lu qanoq sakkortutigisumik piumasaqarfigineqassanersut assigiinngitsunik isummerfigineqarpoq.
Vittus Qujaukitsup Siumumi siulittaasunngorniuunnissamut nukittorsaatigisimaneraa sanngiillisaatigisimaneraluunniit, taasititsinerup ersersinngilaa.
Sammisaq pillugu allaaserisat tamaasa uani takusinnaavatit.