Nunatta qitornai
Vittusip partiini atissaqalersippaa
Vittus Qujaukitsoq partiissamini pilersitsilluni ataatsimeersuarnissamut qaaqqusissaaq sapaatit-akunneriarlaqanngitsut qaangiuppata.
Vittus Qujaukitsup AG-mut oqaatigaa sumiiffiit ilaanni atsiornernik katersat akuerisaanerannut uppernarsaatitut naqitsinerit taamaallaat amigaatigalugit.
Atsiornerit 942-t
Tamanna pereerpat partii nutaaq atsiornernik 942-nik katersereersimaleruni Inatsisartunut qineqqusaartitsisinnaalissaaq, minnerunngitsumillu partiitoqqani Siumut aasaq siulittaasunngorfigeriaraluarnikuusani unammillersinnaalissallugu.
- Partiip atissaa tassaassagunavippoq »Nunatta qitornai«. Atsiornerit atorsinnaanerannut naqitsit uppernarsaat naammassereerpat pilersitsilluni ataatsimeersuarnissamut Nuummi aggersaassaagut. Ilimanarpoq tamanna juulli sioqqullugu pissasoq, Vittus Qujaukitsoq oqarpoq.
Najukkami immikkoortoqarfiit
Taanna qaammatit kingulliit illoqarfinni allani innuttaasunik ataatsimiisitseqattaarpoq.
Taassuma naatsorsuutigaa illoqarfinni nunaqarfinnilu immikkoortunik pilersitsiortornerit aallartikkumaarput partii pilersinneqarniariarpat.
Allaaserisaq AG aviisiminngaanneersuuvoq. Aviisimilu Jakob Janussenip apeqqarissaarfigineqarnera aamma atuarsinnaavat. Aviisi uani pisiariuk: