Nangaaneq
Vittus Qujaukitsup tapersersortai nangaasut
Tunngaviusumik inatsisissap atuutilerneranit ukiut sisamat iluanni naalagaaffimmit tapit unitsinneqarnissaannut oqariartuut aamma Vittus Qujaukitsup aningaasaqarnikkut politikkimik suminngaanniit isertitassaqarnermik oqariartuutilinnik amingaateqarnera pissutigalugu tapersersortit nangaassuteqalerput tunuartertoqarlunilu
Vittus Qujaukitsup Namminersulivinnissamik anguniangaqarluni partiiliorniarneranut tapersersortai Sisimiuni amerlangaluarput, taakkuali tupassuteqarlutik maanna nangaassuteqalerput tunuarlutilluunniit.
-Lars Løkke Rasmussenip tunngaviusumik inatsisissap atuutileraneranit ukiut sisamat ingerlaneranni bloktilskuddip unitsinneqarnissaanut, qanorluunniit Kalaallit Nunaat imminut napatissinnaanngikkaluarpat oqaasia tupassutigaarput, tapersersortaasimangaluaq Samuel Hammer oqarpoq (uani kuissutimi ilai atorpai inuttut malersorneqalernissaq imaluunniit qallunaaluartutut qinngarsorneqarnissaq pinaveersarumallugu).Tassa Samuel Hammerip ilimangisimangaluarpaa Europamiut nunasiaateqartarsimasut allat assingalugit aningaasaqarnikkut tapit suli ukiuni amerlanerusuni ingerlanneqarsinnaangaluartut.
- Franskit nunasiaatigisimasaminnut namminersulernerisa kingorna ukiuni 20-30ni tapersersuisarsimavoq, tamannali maanga atuutissanngimmat assut tupaallaatingaarput, tapersersortaasimangaluaq Samuel Hammer oqarpoq. Aarlerivorlu nunatta namminersulivinnerani aningaasaqarnikkut ingerlanissaanut.
- Pitsaanerpaassangaluarpoq Vittus Qujaukitsoq erseqqissumik oqaraluarpat aningaasat suminngaanniit pissanerigut? Aatsitassarsiornikkut uuliasiornikkut uuranisiornikkut? Samuel Hammer oqarpoq suliffissuaqarnikkullu suli ineriartortitagut killeqartut assersuuteqarfigalugit
- Uuliasiortut qillerutissaatut ittunik suli nunarput suliaqarsimanngisaannarpoq, Vittup tapersersortaa oqarpoq.
Allaaserisaq tamaat Sermitsiami aqagu tallimanngornermi saqqummertussami atuaruk. Aviisi uani pisiarisinnaalereerpat: