avissaarneq
Vittus Qujaukitsoq nutaamik partiiliornissaq ilimagaa
Siumup qimanniarlugu aalajangerneq Vittus Qujaukitsumut ajornaatsuinnaasimanngilaq.
Vittus Qujaukitsup alloriarneq oqitsuinnaatinngilaa. Kisianni ukiut 28-t ingerlareersut allaqqussinnaajunnaaruni Siumut qimattariaqarpaa.
- Siumup ingerlariaasiani imminut ilisarisinnaajunnaarput, taanna Sermitsiaq.AG-mut oqarpoq.
Atuaruk: Nunarput tusaaneqarnissaminut periarfissagissaarnerulissaaq
Siumumi siulittaasunngorniunnermi Kim Kielsenimut ajorsarneranit maanna qaammatit marlorluinnangajaat qaangiupput. 16-init taaneqarluni Kielsen 48-nik taaneqartoq aalajangerneq ersarippoq, Vittus Qujaukitsorlu tamatuma saniatigut ingerlariaasermut aallaavigisaanut ajorsarneruvoq.
Atuaruk: Kim Kielsen siulittaasunngorniunnermi ajungaallualaavippoq
- Pakatsinerpassuit katersuupput. Piffissami sivisuumi Siumup ingerlariaasia naammagisimaanngikkiga malugineqanngitsuunngilaq.
Aalajangerniarneq aamma piffissami sivisuumi pisimavoq.
- Ajornaatsuinnaanngilaq, Vittus Qujaukitsoq Siumumit avissaarneq pillugu oqarpoq.
Atuaruk: Kim Kielsen qinigaaqqinnermi kingorna: Inerniliussaq akisussaaffiliivoq
Vittus Qujaukitsup namminiilivinnissap ullulerneqarnissaa kissaatigaa, kiisalu tamanna anguniarlugu toraagaqarnerunissaq kissaatigalugu. Kisianni aamma Danmarkimut atassuteqarnermut tunngatillugu kalaallit soqutigisaannik ilungersuussinerunissaq kissaatigaa.
Atuaruk: Vittus: Bloktilskudeqanngikkaluartoq akissaqarpugut
- Unammilligassagut akissutissaqartinneqaratillu aaqqiissutissaqartinneqanngitsut isigaara. Iliuuserineqartut ataqatigiinngillat, Siumumi aqutsisut pillugit oqarpoq.
Siumui ingerlariaaseq pillugu pakatsinerup politikkikkut suliniutiminik ilungersuusinermini tunniutiinnartitsinngilaq. Uniinnarniarani taassuma neriorsuutigaa.
Atuaruk: Ajorsarujussuaraluartoq: Tunniutiinnanngilanga
- Allanik oqaloqateqarpunga, piffissamilu aggersumik qanoq suleriaqqissanerluta oqaloqatigiissutigissavarput.
- Partiimik nutaamik pilersitseqataanissat qanoq ilimanartigaa?
-Ilimanartorujussuuvoq, Vittus Qujaukitsoq oqarpoq.
Atuaruk: Vittup Aleqa uterteqqikkusuppaa
Maannakkulli kina oqaloqatiginerlugu, imaluunnit allat Siumumit anilersunik nalunngisaqarnerluni oqaatiginianngikkallarpaa.
Atuaruk: Lars-Emil: Politikkeritut ataatsimeersuaqataanera kingulleq