Polar Nanoq
Vittus: Pisoq ilungersunarpoq
Islandimi arnap periarfeerunneqartup nassaarineqarnissaa anguniarlugu politiit ikiorneqartariaqartut Vittus Qujaukitsup kajumissaarutigaa
- Pisoq ilungersunarpoq, Kalaallit Nunaanni Naalakkersuisut innuttaasullu pisoq malinnaaffigaat.
Nunanut allanut tunngasunut naalakkersuisoq Vittus Qujaukitsoq (S) oqarpoq. Aalisariummi Polar Nanumi innuttat pingasut Islandip politiivinit tigummigallarneqarnerannut atatillugu taamatut oqaaseqarpoq.
- Birna Brjánsdóttirip periarfeerunnerunneranut atatillugu kalaallit pingasut tigummigallarneqartut paasitinneqarpunga, islandimi nutaarsiassaqartitsivimmut mbl.is-imut Vittus Qujaukitsoq oqarpoq.
Naalakkersuisut suleqataassapput
Islandimi nunanut allanut ministeriaqarfik attavigineqarsimasoq ilisimatitsissutigaa. Birna Brjánsdóttir arfininngormat periarfeerunneqarmat Polar Nanoq Reykjavikimut uterpoq.
- Kalaallit Nunaata Naalakkersuisui pisumut misissuinissaminnut piareersimapput, Naalakkersuisoq oqaaseqarpoq.
Polar Seafood pisumut suleqatigineqarsimasoq oqaatigaa. Periarfeerunneqartumut ilisimannittut tamarmik politiinut paasissutissaatitik tamarmik Islandimi politiinut ilisimatitsisariaqartut kajumissaarutigaa.
- Birna Brjánsdóttir nassaarineqapallannissaa neriuutigeqaara, Vittus Qujaukitsoq islandimi nutaarsiassaqartitisivimmut oqarpoq.