taasisitsineq
Vittus Naalagaaffiiit Peqatigiinnut maalaaruteqarnera eqqortuua? Qanoq isumaqarpit?
Ulluni kingullerni Naalakkersuisut avaqqullugit Vittus Qujaukitsup Naalagaaffiit Peqatigiinnut maalaaruteqarsimanera oqallisigineqangaatsiarpoq. Aalajangerneq qanoq isumaqarfigaajuk?
- Taamaaliortussaanngilaq
Politikkikkut oqaaseqartartoq Axel Jeremiasseni, Vittus Qujaukitsup Danmarki, Pituffimmilu saliisimaneq naammaginanngitsoq pillugit Naalagaaffiit Peqatigiinnut naammaangittaalliuuteqarsimanera pillugu aperineqarami taama naliliivoq.
Nunanut pingaartitsisunik qinersisussarsiortoq
Tamannali tallimanngormat Sermitsiaq.AG-p atuartartuinit akerlineqarpoq.
- Uanga isumaqarpunga Siumup qinersisartutoqaasa akornanni V.Q-tsup nuannarineqarnera alleriaannartoq. V.Q.-tsup iluuusai nalilersussagaanni Siumup qinersisartutoqaasa qamuuna eqqarsariaasiat najoqqutaralugu nalilersuisariaqarpoq, nalilersuisup nammineq politikkikkut ileqqorissaarnissamut tunngasunik isumai atornagit. VQ-tsoq siornali isummaminik erseqqissumik avammammut tutsiuttarpoq, Kielsenili oqaaseqassananilu 'peersitsiinnartarluni'. Kielsenip siunissamut takorluukkamink erseqissumik saqqummiussisalinngippat VQ-tsup Siumumi siulittaasutut 'ulorianartorsiortilluarsinnaavaa'. Siumup iuani immikkoortortaqarfiinilu Kielsenimik naammagisimaarinninngitsut tutsiuttalereerput (Sisimiut), Kielsenillu Qaasuitsoq Kujallermi kommunalbestyrelsinngortunut 'naalakkiingaluarnera' malinneqarumanani. Tamatuma ersersippaa Kielsen siulittaasutut ataqqineqaqqissaanngitsoq, ilaasortaasalu nammineq isumartik atorlugu ingerlarusunnerusut. VQ sukataarluaruni immikkoortoqarfinnillu arlalissuarnik tunuliaqutaqalerluni, ilaanna Kielsen ulorianartorsiortilluarsinnaavaa. Taamma uanga nalilerpara, naak VQ iliuusaanik politikkianillu tapersersuisuunngikkaluarlunga, Sermitsiaq.AG-mi atuartartut ilaat taama oqaaseqarpoq.
Taperserneqartoq
Vittus Qujaukitsoq nammineerluni iliuuseqarsimanini pillugu aamma taperserluarneqarsinnaavoq, Axel Jeremiassenip oqaatigaa.
Vittus Qujaukitsoq politikkikkut pissaaneqarpallaarnerit avaqqullugit iliuuseqarnermigut tapersersorneqalersinnaanerluni?
- Qularnanngilaq taassuma iliuuserisimasai aallavaangalugit taperserneqarsinnaanera, taakkumi politkkimi ingerlatseriaaseq iluarinagu tassuuna takutissinnaavaat. Taamaattoq, taanna misigissutsini aallaavigalugit iliuuseqarsimasoq isumaqarpunga, tamannali eqqortuliornerunngilaq, Axel Jeremiassen oqarpoq.
Oqallinnermi peqataagit
Illit qanoq isumaqarpit? Politikkikkut pissaaneqarpallaarnerit tunngavingalugit nammineq iliuuseqarsinnaasumik politikkereqarneq iluarpa? Imaluunniit nunanut allanut suliassat pineqartillugit politikkikkut taperserneqarnissaq pisariaqarpa? Allaaserisap qulaani taasigit oqaaseqartarfimmilu isummersorlutit.