nunaqarfiit
Vittup nunaqarfik ilisimasani ammaqqikkusukkaa
Vittus Qujaukitsoq, Qaanaaminngaanneersoq, 1988-mi nunaqarfittut matusaasoq Qeqertat ammaqqinniarpaa
Inoqarfimmi Qeqertani, Qaanaap kangerluaniittumi, inuuniarnikkut atukkat pitsaanngilluinnartut pillugit piaartumik aaqqiissuteqarfigineqarnissaat anguniarlugu, Aningaasaqarnermut Nunamullu Namminermut Naalakkersuisoq, Vittus Qujaukitsoq, Siumut, misissuititsinissamik pilersaaruteqarpoq. Tamassuma qulakkiissavaa Qeqertat nunaqarfittut nalilerneqaqqilluni pilersorneqarnikkut assigiimmik
pineqalernissaa.
Qaanaap Kommunerisimasaani 1988-imi aalajangiunneqarpoq, Qeqertat, Moriusaq aamma Qeqertarsuaq matuneqassasut.
Qeqertanili innuttaasut amerlanngitsuinnaat nammineq piumassutsiminnik najugaqaannarniarlutik aalajangerput, inuuniarnikkullu atugassarititaalersut naammagiinnartariaqalerlugit.
Vittus Qujaukitsoq - nammineq aamma Qaanaameersoq - oqarpoq, innuttaasut, maannakkut 20-t missaanniittut, inoqarfimmi najugaqaannarniarlutik aalajangersimanerat pisortat ataqqisariaqaraat iliuuseqarfigalugulu.
Allaaserineqartoq Tamanut Avannaanimi tamaat atuarneqarsinnaavoq. Aviisi akeqanngitsumik aaneqarsinnaavoq: