Siumut

Vittup inuit marluk ataqqinassutsimut innarliisutut nalunaarutigisimavai

Vittus Qujaukitsup Siumumi ilaasortat marluk ataqqinassutsimik innarliisutut eqqartuussivimmut suliassanngortissimavai.

To Siumut-medlemmer er nu anklaget for æreskrænkelser mod Vittus Qujaukitsoq.

Nal. 11.15 nutarterneqarpoq

Politikeri Siumumi siulittaasunngorniunnermi Kim Kielsenimut unammillertoq, Sermitsiaq.AG-mut taama ilisimatitsivoq.

Tusatsiakkanit malersorneqartoq
Politikerip assortuussutaasup tusatsiakkanik tunngavissaqanngitsunit malersorneqartutut misigisimanini, Naalakkersuusimasoq Kinami sulitilluni angalanermini aalakoorsimasutut pisuutinneqarnini, aviisimi AG-mi oqaatigaa.

- Tusatsiakkat taamaattut tusarsimavakka imarisaalli oqaaseqarfiginianngilakka. Inuilli tusatsiakkanik pilersitsisut ajuallatsitaasutut kikkuunersut paasigukkit ataqqinassutsimillu innarliisutut eqqartuussivilersuunniarpakka, Vittus Qujaukitsoq ataasinngornerup siuliani AG-mut oqarpoq.

Siumumi ilaasortat sorliit eqqartuussivimmut suliassanngortitsivigineqarnersut, Vittus Qujaukitsup Sermitsiaq.AG-mut oqaatigerusunngilaa.

- Eqqartuussiviup sulinera ataqqillugu nalunaarutigisama kikkuuneri oqaatiginianngilakka, Vittus Qujaukitsoq ilisimatitsivoq.

Iliuut ajoqusiisoq
- Nammineq ataqqinassutsip aamma ataqqisaanermut iliuut ajoqusiisorujussuuvoq. Inuit saqqummiullugit tulluassanngilaq. Pinerluppalaarnerutilernianngilara. Eqqartuussiviup maanna nalunaarutigineqartut misissornissaannut piffissaqartinneqassaaq, Vittus Qujaukitsoq nassuiaavoq.

Powered by Labrador CMS