Vittu pillugu suliaq
Vittu ingerlaannassaaq
Nunanut allanut tunngasunut naalakkersuisoq, Vittus Qujaukitsoq, naalakkersuisuuginnassasoq Kim Kienlsenip naqissuserpaa. Oqariartuutinili nassuiarnerusariaqarpai
Nunanut allanut tunngasunut naalakkersuisoq, Vittus Qujaukitsoq (S), issiavimmini ingerlaqqinnissaminut periarfissinneqarpoq. Naalakkersuisut siulittaasuata Kim Kielsenip (S) ullumi tusagassiortunik katersortitsinermi naqissuserpaa.
Vittus Qujaukitsoq Politikenimi aamma Arctic Circlemi ataatsimiinnermi isummanik akerleriiffiusunik Nunatta Danmarkillu suleqatigiinnerat pillugu oqariartuuteqarpoq.
Atuaruk: Vittup Danmark USA-lu sioorasaarpai
- Vittus Qujaukitsup soraarsinnissaanut pilersaaruteqanngilanga, kisianni oqariartuutigisani Naalakkersuisunut nassuiassavai, Kim Kielsen (S) oqarpoq.
Kim Kielsenip siornatigut allagaqarluni naqissusereerpaa, naalagaaffeqatigiinnermit aninissamut aamma USA-p Pituffimmit anisinneqarnissaanut sioorasaarinerit kalaallit naalakkersuisuisa politikkerinngikkaat.
Atuaruk: Kimip Vittu isumaqatiginngilaa
Vittus Qujaukitsulli ajornartorsiutit qaqitai piviusuusut, tusagassiortunik katersortitsinermi naqissuserpaa.
- Vittus Qujaukitsup oqariartuutai paasisinnaavakka.
- Kisianni allatut erseqqissumik oqariartuuteqarsinnaasimagaluarpoq, Kim Kielsen (S) oqarpoq.
Ataatsimulli isigalugu Nunatta tusaamaneqarnera nunani allani ajoqusinngikkaa taanna isumaqarpoq.
Atuaruk: Sara: - Oqalorujussanngilagut
Tamatumalu saniatigut Naalakkersuisut avissaartuutinnginnerarlugit naqissusiivoq.
Januaarip qaammataani ministeriuneq Lars Løkke Rasmussen (V) suliat tamakku ulluni kingullerni saqqummertut pillugit ataatsimeeqatiginiarpaa.
- Maanna pisoq ilikkagaqarfigisimasinnaavarput, Kim Kielsen (S) oqarpoq.
Suliaq tamaat pillugu uani tamakkiisumik takusaqarfigisinnaavat