Visit Greenland: Takornariat ikinnerit unnuinerusarput
Naatsorsueqqissaartarfiup kisitsisaataani kingullermi 2017-imi ukiup affaani siullermi akunnittarfinni unnuisut ikileriaateqarsimangaluartut takornariaqarneq ernumanartorsiorfiunngitsoq Visit Greenland isumaqarpoq.
Kalaallit Nunaanni akunnittarfiini ukiup affaani siullermi ukiup siulianut sanillersuunnerani 10,8 procentimik ikileriarput. Piffissamilu tassani unnuisut aamma 4,3 procentimik ikileriarlutik.
Kvartalit pingajuat aalajangiissasoq
Takornarianut atatillugu Visit Greenland paasissutissiivoq, ineriartorneq aarlerinartorsiorfiunersoq kvartalit pingajuanni takutinneqassasoq.
- Takornariat katillugit ukiut tamaasa Kalaallit Nunaannut tikittartuni 1. aamma 2. kvartalimi pingajorarterutaasa missaat tikittarput, Julia Pars Sermitsiaq.AG-mut nassuiaavoq.
Naatsorsueqqissaartarfiup kisitsisaataani nutaani allassimavoq, akunnittarfinni unnuisartuni nunatsinninngaanneersut ikileriaateqarnerpaasimasut.
Taamaaginnassasoq
- Unnuinerit amerlassusaat something. Tassa nunanit allanit unnuisut ikilisimangaluarpataluunniit (12,7 procentimik aaqq.) takornariat tamarmik 2017-imi agguaqatigiisillugu sivisunermik unnuisimapput. Nunanit allanit unnuisartunut atatillugu immikkoortut tallimat ataatsimut naatsorsornerini 0,8 procentimik ikileriarsimapput. Tassa tamaaginnartoqarsimavoq, Julia Pars Naatsorsueqqissaartarfiup kisitsisaataanik misissueqqissaarsimasoq, nassuiaavoq.
- Akunnittarfiit kisitsisaataa angalasullu kisitsisaat ataatsimoortissallugit ajornanngitsuaraavoq, mittarfinnili nalunaarsuisimanerit kisitsisaasa uppernarsarnissaat unammillernarsimavoq, Julie Pars paasissutissiivoq.
Allannguuterujussuaq
Takornarialerinermut pisortap kisitsisit sillimaffigeqquai.
- Naatsorsuinermik suliaqartilluni 2017-imi takorniat 85.000-isiumanerat amerlangisassaanngillat. Hunnorujukkuutaat procentitigut allannguerujussuarsinnaapput, Julia Pars paasissutissiivoq.