Nuuk

Video: Ukioq manna Nuummi Gay Pride peqataaffigineqarluarpoq

Arfininngormat arnaqatiminnoortartut/anguteqatiminnoortartut aaammalu angutinik arnanillu atoqateqartartut ukiumoortumik ingerlaaqatigiimmata 400 missaanniittut peqataapput

Akaarinninneq, inuunermik nuannarinninneq, assigiinngisitaarneq minnerunngitsumillu kikkunnik tamanik ataqqinninneq qanorluunniit kinguaassiuutitigut atugaqaraluarpata.
Tassa nalunaajaatit arfininngormat inuit 400 missaanniittut Gay Pride Nuuk 2014-imi ingerlaaqatigiimmata, ingerlaaqatigiillu kulturip illorsuata Katuap saavanit aallartillutik illoqarfimmi angalaarput.
Gay Pride tallimassaa Nuummi ingerlanneqarpoq.
Arfininngormat ualikkut unnukkullu oqalugiartoqarpoq, nipilersortoqarpoq Katuamilu nereqatigiittoqarluni, diskotek-imi ´Manhattan´-imi festernerup nalunaaqutaq 23-miit nanginneqannginnerani.
Sermitsiaq.AG sapaammi asserpassuarnik takutitsissaaq.
Allaaserisap qulerpiaani video-kut immiussaq takujuk

Powered by Labrador CMS