Tupinnaq - sunamitaavaana?
Video: Tunup avannaarsuani eqqumiitsorsiortut
Tunup avannaarsuani immap itinersuani ilisimatuut aqqartartuaqqamik misissuitillutik eqqumiitsumik takusaqarput. Video mockumentarimik taaneqartartoq aliikkutassiatut suliaq takuuk
Sunaagaluarnersoq qaqortuinnaq iternersuarmi nueriasaarpoq. Assaqarnera niaqoqarneralu takuneq ajornanngilaq. Ilisimatuut naluaat sumik taagussanerlugu. Ilaasa qungussutariaasoraat, ilisimatuulli aqqartartuaqqamiittut oqaasertassaaleqisitsipput.
Imaani uumassusilinnik ilisimatuut tunup avannaarsuani immap itinerani misissuisut ukiormanna martsip arfernat eqqumiitsumik takusaqarsimapput.
- Isumaqarpunga takusara tassaasoq uumassusillit arlaat inunnut eqqaanartoq, Dr. Torsten Schmidt aallakaatitassiamut World Star Hip Hop.com-ikkut siammarterneqartumut oqarpoq.
Taakku takusaannut eqqaanarsinnaasumik ilisimatuut Sydafrikap avataani filmiliornikuupput ilaasa qungussutariaasorisaannik kingorna BBC-kkut takutinneqartumik. Ilisimasuut tunup avannaani takusatik BBC-illu aallakaatitaaniittut sanileriisippaat.
- Isikkui nipaalu assigiipput, Torsten Schmidt oqarpoq.
Suli paasineqanngilaq tunup avannaarsuani ilisimatuut suut takusimaneraat.
Video World Star Hip Hop.com-imut pingasunngornermi ikkunneqartoq maannamut 1,3 millioneriarluni takuneqareersimavoq.
liikkutassiaannaavoq
Videoli taanna mockumentery-video-mik taaneqartarpoq piviusuusaartitaalluni. Videot taama ittut piviusulersaarutitut isikkulerlugit suliarineqartarput naak oqaluttualiaannaagaluartut.
Mockumentery-mik videoliaq uani takuuk