Grønland i Tivoli 2013
Video: Tivolimi nipilersornissaminnut kissasserput
Københavnimi appisimaannginnerminni meeqqerivik immikkut ittumik pulaarpaat
Nuummi meeqqerivik ´Timmiaaqqat´ "Kalaallit Nunaat Tivolimi"-mut piareersarfiuvoq, taannalu ukioq manna ingerlanneqassaaq pingasunngornermi juulip 31-anniit sisamanngornermi aggustip aallaqqaataanut.
Københavnimi Carstensens gamle have-mi nipilersortartut Nunatsinneersuinnaat nipilersussapput. Tamakkua ilagaat Nuummi nipilersoqatigiit tusaamasat Qarsoq, taakkualu Tivolimi kingullersaallutik nipilersussapput.
Taavalu Timmiaaqqat-nut uteqqippugut. Qarsukkut ukiuni qulikkaani erinniortuata taalliortuatalu Albrecht Damgaardip qangali ernuttani neriorsorsimavaa meeqqeriviani nipilersorfigiumaarlugu.
Taassumalu aatami oqaasii eqqortippai. Ulloq kingulleq Timmiaaqqaniimmat Qarsukkunni nipilersortartorpaaluit nipilersuutitik nassarlugit takkupput. Atisaajartarfimmi scene-liorput tassanilu meeqqat sulisullu meeqqat erinarsuutaannik Qarsukkullu atortagaannik tusarnaartinneqarput.
Atuaruk "Ukioq manna Tivolimi pisussat"
Atuaruk "´Kalaallit Nunaat Tivolimi´ pisussat ilaat saqqummiuppai"
Festivalit annersaat
Ukioq manna Tivolimi pisussat Carsten Siegstadip Vivi Sørensenillu saqqummiuttassavaat, nipilersortartullu nikeqattaarnerisa akornanni supputaasartartoq Kim Chemnitz, 10-nik ukiulik, quiasaarisartullu Aaseralaat aliikkusersuisassapput.
Plænen-imi tuniniaaveqassaaq pissanganartunik nioqqutilinnik - atisanit mutiniit qalipakkanut pinnersaatinut umimmaallu qiviuinik nuersagassalianut, Tusagassaqartitsiviullu Sermitsiaq.AG-p nutaarsiassaataanut.
Kalaallit Nunaat Tivolimi pillugu annertunerusumik atuarit Facebook-imi