Autisme
Video takuuk: Sanderip akunneq ataaseq sulisarnini nuannarisaqaa
Sander Høyi autismertoq timmisartut akornanni suligaangami iluaqutaasaqaaq. Prinsessellu alakkaanerata ulloq suliffiusoq nuannernerulersiinnarpaa.
Sapaatip akunnera akunneq sulisarpoq. Annertugisassaanngikkaluartoq Sander Høyilli sulineq immiikkuullarissumik misigisaqarfigisarpaa.
Autismertuugaannimi inuiaqatigiinni peqataaniarneq ajornakusoorsinnaasarpoq.
Tamannalu aporfiginagu Sander Høy Air Greenlandip hangariani nuummiittumi peqataalluarluni suleqataalluartaqaaq.
Sander Høyip tapersersortaata Absalon Østerøp, Sanderi nalunnginnamiuk timmisartunik qulimiguulinnillu soqutiginnilluinnartuusoq Air Greenlandimut sulisalernissaa pilersaarusiorsimavaa.
- Air Greenlandimukartarnera isumaqartorujussuuvoq. Timmisartummi inuillu akornanni sulisinnaanini assorsuaq nuannaarutigisaqaa sulisarninimi inuummarissaatigisaqaa, Absalon Østerø oqarpoq.
- Nammineertitaasarnini qanorlu ittuunini akuerineqarsimanera, inuttut inoriartuutiginikooqaa.
Sander Høy autismertunut ataatsimeersuartitsisoqarneranut atatillugu suliffini prinsesse Mariemut ilisaritippaa.
Sanderip nuannaaqaluni tulluusimaarlunilu kunngikkormiunik pulaartoqarsimanera, Air Greenlandimit videoliaasimasoq ataani takujuk.