Talerminnermi DM
Video takuuk: Talermittartut DM-ernerat pikkunartoq
Københavnimi talerminnermik Danmarkimi pissartanngorniuttoqarneranit videoliarineqartoq takuneqarsinnaavoq
Danmarkimi talerminnermik pissartanngorniunnermi kalaallit qulingiluanik ujaminnannerat pillugu Sermitsiaq.AG sapaatiummat allaaserisaqarpoq.
'The Inuit Warriors' aamma 'Nanoq Pullers' pakassumminnermi Danmarkimi pissartanngorniunnerit arfininngornermi ingerlanneqarmata kusanavissumik maluginiartipput. Kalaallit klubbiat pilersinneqaqqammersoq The Inuit Warriors Nuummi Ilulissanilu immikkoortortaqarfeqartoq pissartanngorniunnernut marlunnik peqataatitaqarpoq, kiisalu Nanoq Pullers arfinilinnik peqataasoqarlutik.
Mikkel Andersen Nuummeersoq aamma Taatsiaq Gabrielsen Ilulissaneersoq pingasorsuarnik ujaminnakkammik nukittussutsimikkut teknikkimillu ajunngilluinnarsimapput. Mikkel Andersen oqimaassutsimini talliminik talerperlermik saamerlermillu kuultinnappoq, Taatsiaq Gabrielsenilu oqimaassutsimini talliminik talerperlermik bronzinnalluni.
Nanoq Pullersimit peqataasuni Malik Motzfeldt saamimmini sølvinnappoq, Lars Jørgen Petersen talerpimmini saaminnilu bronzinnappoq, Minik Johansen talini tamarmik kuultinnaffigai kiisalu Kuno Fencker talerpimmini bronzinnalluni.
Video pikkunartoq qulaani takuneqarsinnaavoq