nipilersorneq
Video takuuk: Qinngasaarisarnermut akiuineq
Nipilersortartoq Frederik K. Elsner, nipilersoqatigiinni arlalinni ilisimaneqarpoq, soorlu Nanook, Kishima aamma Kimmernaq, musikvideoliamini nutaami "Suli inuusoqigavit"-mi qinngasaarisarnermut akiuiniarpoq.
Suunngitsutut imaluunniit kinaanngitsutut ilassigaluartutit arlaata pitsaanngitsumik isigiinnaraatit ilisarisinnaaviuk? Amerlasooriarlutit misiliigaluarlutit arlaannut naammanngisaannartoq ilisarisinnaaviuk? Tusaaneqarumanngiinnaravit nipangersimaannartarnerit ilisarisinnaaviuk?
Illoqarfimmi pinnernerpaanatit, kusanarnerpaanatit imaluunniit silatunerpaanatit maluginiartarpat, aamma allanut sanilliullutit allatulaaq pissuseqarputit. Taamaakkaluartoq ilinnoortumik aamma piusussaatitaallutit misigisimavutit. Kisianni teqeqqumut pillutit namminiuinnarnissat aalajangersimavat, sunaluunniit iluaqutaanngitsutut misigisimagakku. Ulloq aamma aqqut qaangiutsiinnarusuppat, angerlarsimaffinnut toqqissisimasumut angerlarniassagavit, tassanilu kisimiikkaluarlutit uummammut inissaqartuaannarmat.
Kisimiilluni saqqummersitsisoq
Kikkut tamarmik angut guitarilittut aamma meeqqat inersimasullu uummataannut toqqaannartumik sunniutilimmik nipilittut ilisarisimasaraaat. Nuannarineqarluartunik qatanngutinilu Christian K. Elsnerilu Nanookimi erinniaqarput, nuannarineqarluartunik tusaqqoornartunik soorlu Seqinitta Qinngorpaatit aamma Nilliasa nipilersugaqarput.
Musikvideoliornermillu aatsaat misiliinngilaq. Silap pissusiata allanngoriartorneranut aamma avatangiisinut tunngasunik, Namminersorlutik Oqartussat suleqatigalugit musikvideonik aamma saqqummersitsinikuuvoq.
Atuaruk: Frederik Elsner kisimiilluni saqqummersitsilerpoq
Taassuma kisimiilluni nuuteraliani F-mik taaguuteqarluni saqqummersippaa.
- Nuuteeraliaminik pikkusutsippaanga. Allaanngilaq piffissaq sumiiffillu ataatsimoortut. Nipilersukkap sianiutikka tamaasa attorpai, arnaq 50-it missaanni ukiulik ukiaq Akisuanerit Festivalertoqarnerani taama oqarpoq.
Qinngasaarisarneq pillugu videoliaq
Maanna Bolt Lamar suleqatigalugu filmiaqqamik suliaqarniarluni aaajangersimavoq. Inuunerup qalipaatai misigissuserpassuarnik nipilersukkami tupinnaannartumi ilaatigut guitarerpalunneq nipimik ersarissumik ilaqarluni.
Video uani ataani takusinnaavat: