qummoroortut tillitat

Video takuuk: Ima ajortigisinnaavoq

Minutsialuit ingerlanerini 2000 gradit sinnerlugit kissarnermik pilersitsisarpoq

- Ulorianarpoq, ulorianarpoq, ulorianarpoq.

Danmarkimi qummoroortartut pillugit ilisimasallit siuttuisa ilaat, qummoroortartunik nioqquteqartut peqatigiiffianni pisortaq Karsten Nielsen, qummoroortartut 800 kiilut Nuummi containerimi tillinneqarsimasut suli nanineqanngitsut tusaramigit, taama qisuariarpoq.

- Arraa, najugaqarfimmi toqqorneqarsimassappata, taava suliaq asuliinnaanngilluinnarpoq, Sermitsaq.AG-mut taanna oqarpoq.

Qummoroortartut 800 kiilut assigiinngitsut pineqartillugit, taava qummoroortartut ataatsimoortut 150-250 kiilunik oqimaassuseqarnissaat naatsorsuutigaa.

Atuaruk: Qummoroortaatit tillinneqartut qaarsinnaasut

- Ataatsimut toqqorneqarsimassagunik qaarsinnaapput, kisianni kissartumik pilersitsisinnaanerat suli ajorneruvoq, Karsten Nielsen nassuiaavoq, nangillunilu:

- Minutsialunnguit ingerlanerini kiassutsimik 2.000 gradinit 2.5000 gradinut pilersitsisinnaavoq, eqqaaniittullu tamarmik ikuallalersinnaapput.

Pujoq annertusisartoq
Tamatuma saniatigut pujoornerat annertuserujussuartarpoq.

- Pujoorneruleriartortarnera sakkortoorujussuuvoq. Inissiani pujoq siaruaassaguni qanoq ajortigisinnaanera eqqarsaatigineqarsinnaavoq, Karsten Nielsen oqarpoq.

Suli Nuummiittut
Tillinniarnermit qummoroortartut 800 kiilut sinneruttut Nuummi nanineqartariaqartut, Nuummi politiit ilisimatitsipput.

Atuaruk: Qummoroortartut tillinneqartut 700 kiilut nassaarineqartut

Qinngutsinnit containerimit decembarip 28-anni qummoroortartut katillugu 1,5 tonsit tillinneqarput. Taakkunannga 700 kiilut nassaarineqarput. Taakku Nuussuarmi inissiat akornanni toqqorneqarsimapput.

- Ernumassutigisatsitut taakku isumannanngilluinnartumik toqqorneqarsimapput, politiineersoq Søren Bendtsen taamani oqarpoq.

Qummoroortartut 250 kiilu ikuallattut, upalungaarsimanermut aqutsisoqarfimmit videoliaq takuuk:

Powered by Labrador CMS