nipilersorneq
Video: Small Time Giantsikkut musikvideoliaat nutaaq takuuk
Nipilersoqatigiit musikvideoliorput saqqummersitaannit siullermit ’Stethoscope'-mit atugaqarlutik
Small Time Giants upernaap ingerlanerani saqqummersitassartik ’Stethoscope’ suliaraat. Saqqummersitissaat crowdfunding aqqutigalugu akilerneqarpoq - tassa nipilersoqatigiinnut nuannaartorinnittut akileeqataaneratigut.
Saqqummersitaanneersumik musikvideomik nutaamik aamma sanaqqammerput, atugaallu taaguuteqarpoq ‘ 3’. Taanna Ulannaq Ingemannimit ilitsersorneqarpoq Aviaaja Hammeken Schultzimilu ingerlatsisorineqarluni.
- Kalaallit Nunaanni filmiliullaqqissorpassuaqarpoq, taamaammat Ulannaq Aviaajalu suleqatiginissaat ajornarsimanngilaq. Musikvideoliornermik misilittagaqanngillat, nutaaliullaqqissuuppulli, tamannalu uagutsinnut isiginnaartunullu takutippaat. Musikvideo torrallappaat, Small Time Giantsimi erinarsortuullunilu guitarertoq Miki Jensen oqarpoq. Nipilersoqatigiit postrockimik, indierockimi digitale samplesinillu nipilersortartuupput.
Nipilersorusunneq
- Pitaanerusoq anguniarlugu uummammi misigissutsit atugatsinni takutinniarneqarpoq. Angutip arnamut akisuunik tunniussaqartaraluartoq akuerineqanngilaq, tassanilu misigissutsit takutinniarlugit uummatinik baseballimik sequtserivugut, Miki Jensen oqaluttuarpoq.
- Saqqummersitarsi nutaaq qanoq isumaqarfigaasiuk?
- Tulluusimaarutigeqaarput. Soorunami qanoq tiguneqassanersoq pissanngatigisimaqaarput, taamaammat saqqummersitarput soqutigineqarluarnera nuannaarutigaarput. Nipilersornissamut aatsaat taama piareeqqatigilerpugut, naak siornatigut assinganik taama oqartarnikuugaluartugut.
Allaaneruneq
- Saqqummersitami suna maluginiarneqassava?
- Atugarput arlaat maluginiarneqarnerussasoq oqarusunngilanga. Saqqummersitarput tusarnaarneqassaaq soorlu atuakkamik atuarluni. Naak kikkut tamarmik erinarsorsinnaasaannik sananngikkaluarluta tusarnaartutta malugisinnaassavaat ilumuussuseqartugut. Saqqummersitsisarfiit nipilersortartut atugaannik saqqummiussisartuupput, uagut killormoortuanik iliuuseqarpugut, Miki Jensen Sermitsiaq.AGmut oqarpoq.
Aviisimi Sermitsiami atuarneqarsinnaavoq Juaaka Lyberthip Small Time Giantsikkut saqqummersitaannik naliliinera. Ullorianik tallimanik tunivaa, amerlanerpaamik arfinilinnik tunniussisoqarsinnaavoq. Juaaka Lyberth ilaatigut ima naliliivoq:
- Ukiualunnguit matuma siornatigut amer- lanerpaartaasa Kalaallit Nunaanni kuutimik anertuumik peqarnera takusinnaasimanngilaat. Nassuiaatissartaalu uaniissorinarpoq, nunarsuatsinni kuultinik nassaarfigineqartartut placer-gulditut nassaarineqartarmata, tassa imatut paasillugu, kuultit nassaarineqartartut kinnerni kuugussaanikkullu imaluunniit sisoorussaanikkut inissimalerfigisaminni inissisimanerusarpoq, kuummi ujaqqat akornani, sioraqarfiusuni, taamaasilluni imeq atorlugu immikkoortiterinikkut nassaarineqarsinnaasarluni.
Saqqummersitaq 'Stethscope' Kalaallit Nunaanni pisiassaalereerpoq, Danmarkimi digitalikkullu tuniniagaalissalluni oktobarip 17-ani.
Small Time Giantsikkut musikvideoliaat qulaani takuneqarsinnaavoq
Sermitsiaq 38 ilaatigut Juaaka Lyberth naliliineri aamma atuarneqarsinnaapput. Aviisi ataani pisiariuk: