Uppernarsaat
Video: Silap pissusiata allanngoriartornera Zaria-p qalipappaa
Amerikarmiu Zaria Forman Visit Greenland-ip atuagassiaani maajimi saqqummersumi ilisaritinneqarpoq, sermeq sammigaa. Qalipagai ima piviusorpalaartigaat assinut assingullutik
Annonse
Zaria Formann Brooklyn-ini najugaqarpoq qalipakkanilu USA-mi saqqummersittarpai. Suliani arnaminut Rena Bass Forman-imut, Kalaallit Nunaanni assiliivilerluni angalasarsimasumut, pigitippai.
Zaria Formann Kalaallit Nunaannut pivoq 2012-imi, taamanikkut ilisimasassarsiortuni ´Chasing the Lights´-imik atilimmi, Nunatta avannaata kitaa sinerlugu angallammik angalasuni, pisortaalluni. Angalanermi tassani silap pissusiata allanngoriartornera qalipakkamigut uppernarsarpaa.
Visit Greenland-ip atuagassiaani maajimi saqqummersumi Kalaallit Nunaanni sermeq sammineqarpoq, tassanilu ilaatigut Zaria Forman ilisaritinneqarluni. Suliai video-liat allaaserisap qulaani takusinnaavatit.