tuniniaaneq
Video: Puisip amianik tuniniaaneq suli ingerlallualinngilaq
Great Greenlandip suleqatigisimasaalu Beijingimi tuniniaanikkut ingerlalluarsimasuuppata tamanna maannakkumit allaanerusumik angusaqartoqarsimassagaluarpoq
Great Greenlandip suleqatigisimasaalu North Atlantic Group 2012-mi puisip amianik Beijingimi tuniniaanini annertusaraluarpaat iluatitsiffiunngitsumik. Tassani anguniarneqaraluarpoq minkimik tunisassiornerup unammillerneqarnissaa. Puisip amia allaanerunera pissutaalluni neriuutigineqarsimagaluarpoq annertuumik minkip amianut unammillersinnaassalluni.
Tamannali piviusunngunngitsoorpoq. Great Greenlandip aamma North Atlantic Group puisip amianik tunisinermi naatsorsuutinik aaqqiagiinngissuteqalerput. Tamanna Beijingimi aamma eqqartuussivimmi suliarineqarpoq. Aningaasat 22 million koruunit tassani eqqartorneqarput, eqqartuussivilersuinerlu ulloq manna tikillugu suli aalajangiiffigineqanngilaq.
Suliffeqarfiilli 2012-mi minkimut unammillerniarnertik neriuuteqarfigigaluarpaat.
Puisip amianik Beijingimi tuniniaaviup ammarnerani Sermitsiaq.AG peqataavoq. Tassani North Atlantic Groupimit Mathias K. Nielsenimik tununiaavinni takornariartitsisoralugu.
Tuniniaaviit ilaanni Yabaolumi pisiniarfiit assigiinngitsut qulaani videomi takuneqarsinnaapput.
Aviisimi Sermitsiami tallimanngornermi saqqummersumi tuniniaaneq sooq iluatsinngitsoorsimanersoq atuarneqarsinnaavoq.
Aviisi ataani pisiarineqarsinnaavoq: