tunisassiorneq

Video: Puisip amia tunisaqarluarnissamut periarfissaqarpa?

Naalakkersuisut Kinap ambassadøriannit tikeraartoqartoq Great Greenland suli Kinami puisip amianik tuniniaanissani sulissutigaa

Naalakkersuisut qaammatini kingullerni tikeraartoqaqattaarput. Qanittukkut Japanip ministeriata aappaa kiisalu niuernermut ministeriusuusoq Tadahiko Ito tikeraarpoq.

Kinap ambassadøria Biwei Liu maannakkut tikeraarpoq. Naalakkersusut neriuutigaat puisip amia maluginiarluarneqassasoq.

Ukiuni kingullerni qulini puisip amianik Kinamut tunisaqarneq 10 procentimik qaffariarsimavoq, assersuutigalugulu Danmarkimut tunisaqarneq taamaallaat 2 procentimik qaffariartoq.

Aningaasarsiorluartut
Kinami aningaasaqarneq suli qaffakkiartuinnarpoq, naatsorsuutigineqarporlu 2020-mi nunarsuatsinni aningaasaateqarnerpaalissasut. Kinap aningaasaateqarluarnini atorluarpaa, assigiinngitsunimmi pisiortortarput. Taamaattumik suliffeqarfiit ilaat Kinamut tunisaqarnissartik neriuutigaat.

Tamakku ilagaat Great Greenland. Copenhagen Fur suleqatigalugu Kinamut puisip amianik tunisaqarniarput. Copenhagen Fur Kinamut tunisaqarnermini 13 milliard koruuninik kaaviiaartitaqarpoq minkimik tunisaqarnermini.

Puisip amianik tunisaqarneq qanormita ingerlassava?

Tamanna Mathias K. Nielsenip oqaluttuaraa videomi. Mathias K. Nielsen Qaqortormiuuvoq, maannakkulli Beijingimi najugaqarluni. North Atlantic Fur Groupimi suleqataavoq, aamma Great Greenlandimi suleqataanikuulluni. Aaqqiagiinngittoqarnera pissutigalugu suliunnaarpoq.

Great Greenlandip North Atlantic Fur Groupillu suli suleqatigiinneranni video immiussaavoq.

Kinami puisip amianik tunisaqarneq pillugu pilersaarutit Sermitsiami atuarneqarsinnaavoq.

Aviisi ataani pisiarineqarsinnaavoq:

Powered by Labrador CMS