Thursday, June 23, 2016 - 11:43

Video nutaaq inuit naapittarfiini nuannarineqaqaaq

Musikvideoen 'Isertorluta Marluugatta' er blevet et viralt hit
Assi.: Leiff Josefsen
Nipilersornermik videoliaq ´Isertorluta Marluugatta´, pingasunngormat unnukkut ikkunneqartoq, Facebookimi nuannarineqartorujussuuvoq

Akunnerit 13-iunngitsulluunniit matuma siornatigut nipilersornermik videoliaq ´Isertorluta Marluugatta´, Malik Kleistip nuusiaanit nutaamit ´Ulloq Nutaaq Takkuppoq´-meersoq, inuit naapittarfiannut Facebookimut ikineqarpoq.

Nipilersornermillu videoliaq nuannarineqaqaaq. Manna tikillugu video 5.500-ujoriarlugu takuneqarsimavoq.

Nuannarineqartoq

– Ullaaq iterama Facebooki alakkarakku takusinnaavara videomik isiginnaartut imaaginnavissimasut. Manna tikillugu 5.000-t sinnerlugit takuneqareersimavoq, sulilu amerliartorput, Malik Kleist allappoq.

Taassuma ilanngullugu oqaatigaa video amerlasuunik oqaaseqarfigineqarsimasoq - allallutik erinaq qanoq nuannertigisoq, nipilersornermillu videoliaq torrallataaqisoq.

Videomi nuannarineqartumi aamma peqataavoq Nivi Pedersen.

Mobiltelefoni atorpaat

Malik Kleist nassuiaavoq videoliortut nutaamik misileerusussimasut.

– Aalajangerpugut sinaakkutassavut qaangerlugit nipilersornermi video mobiltelefoni filmiliuuteerarlu privatimik atorneqartartutut ittoq atorlugit immiunniarlutigu. Taamatullu filmiliarineqaraluartoq isumaqarpunga torrallalaarsimagipput, nipilersortartoq oqarpoq.

Nipilersornermik videoliaq uani isiginnaaruk:

 

Seneste nyheder / Nutaarsiassat kingulliit