OL
Video: - Nuannersuaarpoq
Laila Friis-Salling OL-imi peqataanermini ajugaaniutivinnermut anngutinngitsoorpoq. Peqataaninili nuannaarutigisorujussuuaa
Freestylimi sisorartartoq Laila Friis-Salling OL-imi ajugaaniutivinnermut anngutinngikkaluarluni peqataanini nuannaarutigeqaa. Ajugaaniutivinnermut anngunniuttut 24-it peqataapput, tassani aqqaneq marluk ajugaaniutivinnermut anngullutik.
- Peqataalluni nuannersuaarpoq, Laila Friis-Salling unammeqataareernermi kingorna DR-imut oqarpoq.
Marloriaq sisunermini siullermi eqqissisimavoq, sukkatsippallaarnani. Aappaani sukkaneruvoq orlusoorlunili. Laila Friis-Salling unammeqataannginnermini pissangasimalluni oqarpoq.
- Suli sajuppunga. Utaqqisarfimmiillunga pissangasorujussuuvunga, oqarpoq.
- Sooq taama pissangatiginerlunga naluara. Angajoqqaakka isiginnaartut aamma isiginnaartorpassuaqartoq nalunngilara. Unammeqataanerli misigisaavoq nuannersoq, Laila Friis-Salling oqarpoq.
Laila Friis-Sallingip apersorneqarnera uani takuuk