Katersuiniarneq
Video: Nipilersornikkut kræftimut akiuineq taperseraa
Checki 131.564 koruuninik aningaasartalik kræfti atiorniarlugu suliniaqatigiiffimmut Neriuffimmut tunniunneqarpoq Søren Alaufesenip cd-liaanit ’September’imit isertitaasut
Neriuffimmut tunniunneqarpoq Søren Alaufesenip cd-liaanit ’September’imit isertitaasut
Nappaassuaq kræfti akiorniarlugu Neriuffiit kattuffiannut aningaasarpassuit tunniunneqarput kræftimik eqqugaasut ilaqutaasa angalanerannut atugassat. Aningaasa Søren Alaufesenip cd-liaanit isertitaapput aningaasallu amerlanerit takkutissapput.
Søren Alaufesenip saqqummersitani ’September’ kræftimik napparsimasut ilaqutaannut ungasissumiit qanigisami napparsimaneranni naalaruluttartunut pigitillugu saqqummersippaa. Søren Alaufsen Ejvind Elsner suleqatigalugu cd-mi tunisanit aningaasanik tunniussaqarpoq qanigisaanut angalanerannut atugassatut inissinneqartussanik.
Søren Alaufesen cd-milu immiusseqataasut akissarsiaqaatiginagu sulipput, nipilersortartullu Aasianniit Nuummut angalanerat Air Greenlandip aningaasaliiffigisimavaa.
Cd-ip siammarterneranut Lions Club 25.000 koruuninik tunniussaqarpoq pisiniarfillu Brugsen, Pisiffik aamma Pilersuisoq cd tunineqartoq ataaseq 15 koruunik tapiiffigisarsimavaat.
- Neriuffiit Kattuffiata nammineerluni aalajangissavaa kikkut tapiiffigineqassanersut, Søren Alaufesen aamma Ejvind Elsner nalunaarput.
Atlantic Musicip immiussisarfini aamma akeqanngitsumik suliniummut atukkiuppaa maannamut 131.564 koruuninik Neriuffiit Kattuffiannut pissarsissutaasumi.
Søren Alaufesenip immiussaa 'Atoqqusaq' uani takusinnaavat.