meeqqat inuusuttuaqqallu
Video: Nanubørn nutaamik paasititsiniaaqqippoq
Meeqqanut inussuttunullu sullissisut kulturikkut illorsuarmi Nuummi unnugu pingasunngornermi aaqqissuilerpata tapersersorneqarsinnaapput
Meeqqat inuusuttullu sumiginnarneqarsimasunut ikiuiniarnermut iliuuseqartoqaqqippoq.
Nanubørnip 'Ajunngila?'-mik qulequtserlugu paasititsiniaaneq aallarnissavaa unnugu pingasunngornermi. Paasititsiniarneq meeqqat angerlarsimaffimminni persuttaanernik takunnittarsimasut eqqugaasimasulluunniit qitiutillugit paasititsiniaaneruvoq.
- 2013-imi 2014-imilu Kalallit Nunaanni persutaanerit 3000-it pallillugit amerlaitgisut nalunaarutigineqarput - taakkulu akornanni meeqqat 500-t arlaatigut akuusimallutik. Tamanna akuerisinnaanngilarput taamaammallu meeqqat aqqusaagaqarsimasut qitiutillugit paasisitsiniaasoqassaaq, Nanubørnimit Krissie Berthelsen Winberg tusagassiutinut nalunaarummi oqarpoq.
Unnuk allarnerlugu paasititsiniaaneq pillugu naatsumik nassuiaasoqssaaq kingornalu isiginnaagassiaq 'Ajussuseq' isiginnartitsissutigineqarluni. Tassani isiginnaartitsisuussaaq Kristian Mølgaard isiginnaagassiamillu ilitsersuisuuvoq Pipaluk Kreutzmann. Kingornalu Søs Fenger, Frederik Elsner aamma Malik Hegelund Olsen tusarnaartitsissapput.
Paasisitsiniaalluni angalaneq sapaatip akunnerani uani pissaaq Nuummi, Aasianni, Ilulissani Maniitsumilu. Pisussaq Katuamit taperserneqarpoq aammalu Namminersorlutik Oqartussat piorsarsimassutsimut piissuutigisartagaannit, Tips & Lottomit kiisalu Nuna Fondenimit.
Søs Fenger, Frederik Elsner aamma Malik Hegelund Olsen videomi takukkit (Takusinnaanngikkukku una toorlugu video takuuk)