teknologi
Video: Nanoq ima uumasuuvoq
Nanuup qungasiani filmiliuummik ikkussilluni nanuup uumasuunera takutitassiarineqarpoq
Nanup qungasiani filmiliarineqartoq YouTube.com-ikkut 200.000-teriarluni takuneqareerpoq.
Teknologi atorlugu assigiinngitsorpassuanik takusaqartoqarsinnaalerpoq. Maannakkullu aamma nannup asimi uumasuunera takuneqarsinnaanngorpoq. Nannup qungasiani filmiliuut ikkussiffigineqarnissaa Mehdi Bakhtiarimit piviusunngortinneqarpoq WWF-imit tapersersorneqarluni. Tassanilu nanoq sulerisarnersoq takuneqarsinnaalluni.
Mehdi Bakhtiarip filmiliortartoq Adam Ravetch kiisalu United States Geological Survey-meersut suleqatigai, tassani nannut arnavissat sisamat qungasiatigut filmiliuutilersinneqarlutik.
Puisinniartoq
Alaskami nannut upernaanerani sulerisarnersut takutitassiarineqarpoq.
- Naak biologit nannut GPS-ikkut malinnaaffigisinnaagaluaraat nannut qungasiitigut filmiliat paasisat nutaajupput. Immap naqqani qanoq puisinniartarnersut aatsaat paasineqarpoq, qanorlu aamma nerisassatik pinnguaqatigeqqaartarneraat paasineqarluni, wwf.dk allappoq.
Filmiliaq qulaani takuneqarsinnaavoq