nuannarineqarluartoq

Video: Kalaallisut oqaluttoq nunarsuarmit tamanit takuneqartoq

Oqaatsinik ilisimaneqarpianngitsunik pingajussaa amerikarmiu Paul Barbato ilinniarpoq YouTubemullu ikkullugu

Amerikarmioq kalaallisut oqaluttoq nuananit assigiinngitsuneersunit YouTubekkut takuneqareerpoq.

Ikkussaa arlaleriarluni Facebookikkut takutitassiarineqareerpoq, YouTubemilu 4.000-it missaannit aamma malinnaavigineqarluni.

Amerikarmiu Paul Bartato kalaallisut oqalussinnaalerumalluni Los Angelesimit Danmarkiliarpoq. Oqaatsimik takornartamik ilikkagaqaraangami YouTubeminut ikkuttarpaa takutitassianngorlugu, kalaallisullu oqalunnini assinganik aamma ikkullugu.

Sungiusangaatsiartoq
- Kalaallit Nunaaliarnissaq uannut akisuallaarpoq, taamaattumillu Danmarkiliaannartariaqarlunga, neriullunga kalaallisoorsinnaasumik siumuissallunga, Paul Barbato Sermitsiaq.AG-mut oqaluttuarpoq.

Kalaallit Illuutaanni Københavnimi tusagassiisartumit Masaana Egedemit ikiorneqarpoq. Paul Barbatop allataa Masaanap tuluttuumit kalaallisuumut nutserpaa, taannalu Paul Barbatop ilinniarlugu.

Masaana Egedep nutsigassani nutsereerpagu nutsersimasani atuarpaa Paul Barbato ikiorniarlugu oqaatsit qanoq taaneqartarnersut.

Taasillaqqittoq
- Soorlu tassa uagut franskisut erinarsortugut. Suna erinarsornerlugu nalugaluarlugu erinarsorlugu. Eqqortumi taasillaqqeqaaq, Masaana Egede oqarpoq.

Paul Barbato pingajussaa oqaatsit ilisimaneqarpianngitsut ilinniarpai.

- Oqaatsinik ilinniaraangama YouTubemi malinnaasikka atorluartarpakka, USA-mili kalaallimik ataasiinnarmilluunniit nassaarnissaq ajornartorujussuuvoq, Paul Barbato nassuiaavoq.

Paul Barbatop kalaallisut oqalunnera qulaani takuuk

Powered by Labrador CMS