Nuuk
Video: Inissiaq nungulluni ikuallattoq
Nuummi inissiarsuit ilaanni blok 6-imi tallimanngornerup unnuaanut sakkortuumik ikuallattoqarpoq. Isiginnittut arlallit oqaluttuaraat ikuallanneq arlaleriarluni qaminneqartarsimagaluartoq, anorilli ikummatseqqittarsimagaa
Annonse
Unnuap qeqqata qaangilaarnerani, avannaq-kangisimmik sekundimut 15,4 aamma 19,7 missaani anorlertoq, Nuummi inissiarsuit ilaanni blok 6-imi qiterlermi inissiat ilaat sakkortuumik ikuallappoq.
Inissiap ikuallattup eqqaamiui qulingiluat qulilluunniit Dronning Ingridip Napparsimavissuanut putsumik iioraasimanersut misissorniarlugit unitsinneqarallarsimapput.
Taama KNR allappoq.
Isiginnittut arlallit oqaluttuaraat ikuallanneq arlaleriarluni qaminneqartarsimagaluartoq, anorilli ikummatseqqittarsimagaa.
Sermitsiaq.AG blok 6-imi ikuallanneq pillugu paasissutissanik annertunerusunik Sermersuumi Politiinut piniarpoq.
Uani takusinnaavat Facebookimik atuisut ilaata ikuallannerup nalaani videoliaa (UNA TOORUK, video takusinnaangikkukku)