Video: Erinarsortartoq Jenseeraq arnaatiminut nuliarsartoq

Tusarnaartunut qularnanngitsumillu Aviaaja Heilmannimut tupaallatsitseqaluni Jenseeraq Olsenip arnaatini tassanngaannaq nuliarsarfigaa.
Tamanna pivoq pingasunngormat nipilersoqatigiit Jenseeraq tusarnaartitsineranni, taakkunanilu Jenseeraq erinarsortartuuvoq.
Tupaallatsitsilluni nuliarsarnissani sioqqullugu Jenseeraq Sermitsiaq.AG-mut oqaluttuarpoq arnaamminut nuliarsarnissani sivisuumik eqqarsaatigisimallugu.
– Qularutiginngilara inuunerma sinnerani ilagerusullugu ukiullu affaani kingullermi nuliarsarfigissamaarsimavara.
– Nuliarsarfiginissaa Tivolimi tusarnaartitsinissamit pissanngatiginerujussuusimavara, Jenseeraq Olsen pingasunngormat unnukkut tusarnaartitsinissaq sioqqullugu isertuulluinnarlugu oqaluttuarpoq.
Erinarsuut arnaataanut tunngasoq
Erinarsuutip ´Lalalaah´-p atornerani nuliarsarpoq.
– ´Lalalaah´ arnaatinnut erinarsuusiamma siullersaraat. Tulluusimaarutigisorujussuuvaa, tusarnaartitsinitsinnilu atussagaangatsigu tamatigut uannit annilaanganerusarpoq, Jenseeraq Olsen kikkut tamaasa nuannaartillugit nuliarsarnissani akunnialunnguit sioqqullugit unneqqarilluni oqaluttuarpoq.
Ilami Jenseeqqap nuusiaa kingulleq ´Qaammatip Tungaanut´ Jenseeraq Olsenip arnaataanutd tunnganeruvoq.
Plænen-imi tusarnaartitsinermi nipilersoqatigiit Jenseeraq qulinik atuipput. Nipilersoqatigiit sisamanngorpat nalunaaqutaq 19.00 nipilersoqqissapput.
´Kalaallit Nunaat Tivolimi 2013´ pillugu allaaserisat assillu tamaasa takukkit
Aamma eqqaamakkit videokut inuulluaqqussuterpassuit videoliallu allat quppernerup nittartakkap saqqaata qulerpiaani