juulli
Vejle maanna tullinnguuppoq
Juullimi asasanut inuulluaqqusinerit arfininngorpat Vejlemi immiunneqassapput
Danmarkimi ataatsimut peqatigiiffiup INUIT, Nunatsinnut juullimi inuulluaqqusineq DGI-Husetimi Vejlemi, maanna arfininngornermi decembarip qulinganni aaqqissuutissavaa.
Ileqqoq malillugu ulloq kalaallisut naalagiarnermik nalunaaqutaq 11:30 Sct. Nikolai Kirkemi, palasi Oline Berthelsen naalagiartitsisoralugu aallarnerneqassaaq. Aaqqissuussap sinnera DGI-Husetimi pissaaq, Vestre Engvej 57, Vejle.
Nalunaaqutaq 14 juullimi inuulluaqqusinermut programmi KNR-TV-mit imminneqartussaq aallartissaaq, pisarnertullu juulliaqqap unnukkuani KNR-imi aallakaatinneqassaaq.
Assit takukkit: DR-p juullimut inuulluaqqussutaa piareerpoq
Programmi annertooq
Amerikamiut eqquiniaasitsineranni pinnatassat pingaarnersaat Kalaallit Nunaannut angalaneq, taanna Air Greenlandimit aningaasartalerneqarpoq, aamma eqqugassat allat Royal Greenlandimit tunissutigineqartut peqataaffigineqarsinnaapput.
Tamatuma kingorna nereqatigiittoqassaaq, Nikolaj Løvstrøm aamma Ivalu Judithelu nipilersortoralugit qitittoqassaaq, aaqqissuussaq 23:30 naammassineqassaaq.
Kalaallit peqatigiiffii Danmarkimiittut Vejlemut utimullu ataatsimut busseqatigiinnernik aaqqissuussipput.
Allatseqqaarani inniminneeqqaaranilu aggiinnartoqassaaq. Kikkut tamarmik tikilluaqqusaapput.