inuussutissarsiorneq
Uummannaq Qaleralinniap akerliuniarluni pisani eqqarpai
Nuugaatsiami aalisartup pisani qanoq isilluni eqqarnerlugit filmiliaraa, inuillu naapittarfiisigut saqqummiullugu.
Taamaasiorpoq pisaminik tunisisinnaannginnerminik akerliunini takutinniarlugu.
Aalisartut piniartullu kattuffiata KNAPK-p taamaasiorneq eqqarsarnartoqartippaa:
– Taamaasiorneq pitsaanngilluinnarpoq aalisartunut allanut annertuumik kinguneqarsinnaammat, siulittaasoq Henrik Sandgreen oqarpoq.
Taassuma kajumissaarutigaa aalisartut aalisariannginnerminni pisaminnik tunisisinnaanissartik siumut qulakkeertassagaat.
Uummannami aalisartut pisaminnik tunisinissap killeqarnera qaammatini marlunni maalaarutigisimavaat, KNAPK-p siulittaasua oqarpoq. Royal Greenlandip Uummannami suliffissua maanna matoqqavoq nutarterneqarnera pissutigalugu. Taamaattumik aalisartut taamaallaat umiarsuarnut tunitsivinnut tunisisinnaapput, taakkulu ulikkaapallattarput. Pilersaarutit malillugut suliffissuaq ammaqqissaaq novembarip naalernerani decembarilluunniit aallartinnerani.
Oqaluttuaq tamaat Sermitsiami sapaatip akunnerani saqqummersumi atuaruk, taannalu pisiniarfinni pisiarisinnaalereerpat. Aviisi aamma pisiarisinnaavat uani: