tassaarsuaq
Uummannap eqqaani pinngortitami ajunaarnersuarmi misigisat isiginnaartitsissuteqarniartut
Juaaka Lyberth Avannaani workshopertitsissaaq, tassani meeqqat inuusuttulli isiginnaartitsinissamik periarfissinneqassallutik
Meeqqat inuusuttullu tassaarsuarnerup kingunerisaanik misigisaminnik oqaasertaliisinnaanissaat periarfissinneqarpoq.
Nipilersortartup, atuakkiortup taalliortulli Juaaka Lyberthip ulloq 2. augustimiit ulloq 13. august ilanngullu Uummannami workshopertitsinissaani taama periarfissiisoqarpoq, tassanilu 'peqataasut piumassappata' takutitsinermik naggasiisoqassaaq.
Workshopertitsineq Kalaallit Røde Korsianit aaqqissuunneqarpoq.
- Saaffigineqarpunga tassaarsuarnermit eqqugaasut inuusuttaat meerartaallu sammisassaqartissinnaanissaat anguniarlugu siunnersuusiorsinnaannginnersunga. Saaffigineqarninnut patsisaagunarpoq meeqqanut erinarsuusiortarsimanera meeqqerivinnilu tusarnaartitsiartortarsiamnera. Juaaka Lyberth tusagassiuutinut nalunaarummi oqarpoq.
Juaaka Lyberthip siunnersuusiornermini pingaartissimavaa aliikkusersuinerinnaq naammanngitsoq kisiannili meeqqat inuusuttuaqqallu peqataatinneqarnissaat pingaartillugu.
Da Juaaka Lyberth planlagde workshoppen var det vigtigt for ham, at inkludere børn og unge i processen, så der ikke kun var morskab.
- Kisiannili meeqqat inuusuttuaqqallu peqataatinneqarnissaat pingaaruteqartoq. Taallatigut oqaasinngortitsinermikkut nammineq misigisutsimikkut iluaqutigissammatigit, Juaaka Lyberth oqarpoq.