endelig

Uumasut nakorsiartarfissaat qanilliartortoq

Qimmiutillip inuussutissarsiorfittut ini atuagassanngortippaa nakorsiartarfittaassamut

Peqatigiiffik Nuummi Uumasut Nuummi uumasut nakorsiartarfiannik pilersitseqqinniarluni sulineq pineqartillugu angusaqangaatsiarsimavoq.

Qimmiutilik uumasut nakorsiartarfissaannik Aqqusinersuaq 23-mi inuussutissarsiutinik ingerlatalinnut attartugassamik 120 kvadratmeterinik atugassiisimavoq. Inillu taakkua tamatuma qaavatigut ukiup affaani siullermi akeqanngitsumik attartortinneqassapput.

- Ingerlariaqqinnissamut maanna periarfissaqalerpugut. Uumasut nakorsiartarfissaata piumasaqaatinut naapertuuttumik qanoq aaqqissuunneqarnissaa pillugu Danmarkimi uumasut nakorsaannik oqaloqateqarpugut. Tamatuma saniatigut aningaasaateqarfinnut qinnuteqaateqaqattaarpugut. Anguniagarput tassaavoq uumasut nakorsiartarfiannik pilersitsinissamut, minnerpaamillu ukiuni pingasuni ineqarnermut akiliutinik aningaasartuutinillu aalajangersimasunik akiliinissamut aningaasassaqalernissarput, peqatigiiffiup siulittaasua Tom Amtoft oqarpoq.

Uumasut nakorsaannik paarlakaajaallutik Nuummut suliartortitsisarnissaq suli pilersaarutaavoq.

Nuummi maajimi 2012-imili uumasut nakorsaattut sulisumik aalajangersimasumik uumasut nakorsaqarsimanngilaq.

Allaaserisaq una Nuuk Ugeavisimi saqqummersinneqaqqaarpoq. Taamaattumik tassannga aallaaveqarpoq. Nuuk Ugeavisimi allaaserisat allat akeqanngitsumik uani aasinnaavatit:

Powered by Labrador CMS