amernut akerliusut
Uumasunik illersuiniaqatigiiffik kunngikkormiut frimærkiat kamaatigigaat
Amermik atisalerluni saqqummerneq ileqqorlunneruvoq, PETA taama isumaqarpoq
Kunngissakkut oktobarip 14-anni katiffissiornerannut atatillugu, ilaqutariit kalaallit kalaallisuuinik atisalerlutik frimærkimi Post Greenlandimeersumit saqqummernerisa kingorna, Uumasunik illersuiniaqatigiiffik PETA kamattupilussuuvoq.
Atuaruk: Tele-Post frimærkimik nutaamik kunngikkormiunik saqqummersitsivoq
Ileqqorluttut
Kunngikkormiut ilaqutariit PETA naapertorlugu, amernik atisalerlutik saqqummernerat 'ileqqorlunnerulunilu inuiaqatigiinnut tulluanngilaq'.
Atuaruk: Uumasunik illersuiniaqatigiiffiup Mary uumigigaa
Tulluanngitsoq
- Nalliuttorsiorneq malunnartinniarlugu ilaqutariit uumasut amiannik atisalersornerannik tulluarnerusumik iliornissaq takorlooruminaappoq, illersuiniaqatigiiffiup Europami tusagassiuutinut ataqatigiissaarisua, Sacha Camilli oqarpoq.
- Pissutsit allanngornikuupput, danskit ileqqorluttutut aamma tulluanngitsutut isigineqarnianngikkunik, nutaamik ileqqoqalertariaqarput, misiginneqataanermik malunnartitsisumik, ammillu naakkittaatsumik suliat atortunik allanik avatangiisinut tulluartunik taarserlugit, ilanngullugu oqarpoq.