uulia
Uuliasiornissamik taamaatitsineq tamanit nuannaarutigineqanngilaq
Obamap Trudeausillu nunani avannarlerni uuliasiornissaraluamik unitsitsinerat nunaqavissut ilaanit nuannaajallaataanngitsoq Arktisk Nyt-ip allaaseraa.
Issittup imartaani uuliasiornissaraluaq USA-p præsidentiata Barack Obamap Canadallu premierministerip Justin Trudeaup juullinngitsiartoq unitsitaat Canadami Alaskamilu politikkerit nuannaarutiginngilluinnarlugulu akerliuffigigaat Arktisk Nyt-ip allaaseraa.
Issittup imartaata annersaa Nunavut ilaaniippoq.
Atuaruk: WWF: Uulia taamaatinneqarli
Nunavumi aqutsisup Peter Taptunap
Trudeausip aalajangernera Nunavup, Canadami sumiiffinni ineriartunnginnerpaap, siuariartulernissaralua eqqarsaatiginagu aalajangiipallassimanerarlugu Nunavumi aqutsisup Peter Taptunap isornartorsiorpaa. Taptunammi aquttuuffiata Nunavup aningaasameernera aaqqiiviginiarlugu sulissutigigaluaramikku.
- Maani najugaqartussaavugut maanilu ilisaasussaalluta, Peter Taptuna Nunatsiaq Onlinemut oqarpoq.
Atuaruk: Uuliamik ujaasineq unitsinneqassanngitsoq
Trudeau Ottawami aqutsisoqarfiata Obama Washington D.C-mi "Arctic leadership model"-imik atserlugu isumaqatigiissusiornera Nunavut peqataatinnagu pisimasoq naqissuserpaa.
'Alaskap sinnattupalaava'
Alaskami politikkerit præsident Obama sakkortuumik isornartorsiorpaat.
- Isumalluutigut mattutiinnarlugit aningaasaqarnerpullu ajalusooqqasoq imminiiginnarlugu Obamap aalajangiinerata ilisimaneqaataanit allaanerujussuartut aalajangiineruvoq. Tassa Alaskap sinnattupalaava piviusunngortippaa, Alaskami repuvlikanereq Don Young Alaska Dispatch Newsimut oqarpoq.
Alaskap senatoria aamma republikaneriusoq aalajangerneq soqutigittaatsutut Alaskamullu killuussinertut naqissuserpaa.