Uuliasiornermi upalungaarsimasut iluaqqutaanavianngillat, immikkut ilisimasalik oqarpoq

Kalaallit Nunaanni uuliakoortoqassagaluarpat Danmarkip taamaallaat 5.000 tons uulia salissinnaavaa. Danmarkimi upalungaarsimanermut pilersaarummi 2014-imi misileraalluni qillerinernut tunngasumi tamanna takuneqarsinnaavoq

Qallunaat uuliasiornermi upalungaarsimasuutitaat Kalaallit Nunaata eqqaani uuliakoorluni ajunaartoqassagaluarpat sullissisinnaanerat amigarpoq. Imami mikitigaaq piginngikkaanni assigiinnassagaluarlugu, metroxpress allappoq.

Danmarkimi uulia pillugu ilisimasaqarnerpaaq Kai Sørensen, naliliivoq. Taanna siornatigut Geusimi pisortap tullersortigaa - Naalagaaffiup Kalaallit Nunaanni nunap sananeqaataanik misissuinermik ingerlatsiviani.

- Misileraalluni qillerinerni akuttunngitsumik sakkortuumillu uuliakoortoqarsinnaavoq ullormut 30.000 tons aniasoorsinnaalluni, taamaattumik ullut ilaanni tappavani ajunaarnersuaqassagaluarpat, kigutigut kiiginnarlugit qaangiunnissaa utaqqiinnartariaqassavarput. Pinngortitamut imaannaanngitsumik eqquisinnaavoq, Kai Sørensen oqarpoq, taassuma uuliasiornermik ingerlatsiviup Statsoil-i ukiuni arlalinnik uuliaqarfinnik ujaasineri akisussaaffigai.

Nunarsuarmi uuliasiornermik ingerlatsisut annersaasa arferngat, franskit Total, isumaqataavoq - avannarpasissumi soorlu Kalaallit Nunaanni misileraalluni uuliasiornerit ulorianarsinnaanerannik.

Kalaallit Nunaata eqqaani qillerinasi

Uuliamik ingerlatsivissuit

- Uuliamik ingerlatsivissuit Kalaallit Nunaata eqqaani qillerisariaqanngillat - ulorianarpallaaqaaq - aamma uuliakoortoqassagaluarpat ajunaarnersuarmik kinguneqassaaq, pisortaaneq Christophe de Margerie metroxpressimut oqarpoq.

Nunat tamalaat sillimmasiinermik ingerlatsiviannit Lloyds mianersoqqussutit imaapput:

Issittumi uuliakoortoqassagaluarpat pinngortitamut aseruisinnaanera takusimasanit tamanit ajornerpaamik kinguneqarsinnaavoq pissutigalugu tamaani pinngortitaq mianernartuummat, nalunaarusiami taamak allassimavoq.

Lloydsimit mianersoqqussutigineqarpoq sillimaniarnermut piumasaqaat annikillineqarnissaat Kalaallit Nunaanni 600 milliarder koruuninik nalilinnik uuliaqarnera ilimagineqarmat.

Miljøministeriamit imaluunniit Forsvarsministeria oqaaseqartissinnaasimanngilarput.


Powered by Labrador CMS