uulia

Uuliasiorneq taamaatittoq: Uuliasiortut kingulliit Kitaaniikkunnaarput

Cairn Energyp kingulliusup misileraalluni qillerinermut milliarderpassuit atoreerlugit Kalaallit Nunaata Kitaa qimappaa. Taamaasillutik akuersissutit Kalaallit Nunaata kangianut tunngasut kiserngorupput.

Det vakte stor opsigt og forviklinger med politi og , da Cairn Energy lavede efterforskningsboringer i 2010 og 2011. Nu er de endegyldigt rejst. Greenpeace

Cairn Energy takkukkami aningaasaleerujussuarpoq. Tassa 6,7 milliardit koruunit Baffinip Kangerliumanertaani iluatsitsiffiunngitsunut 2010-mi 2011-milu atoreerlugit maanna kiannerusunukarlutik aallavissorput.

Uuliasiortut Kalaallit Nunaata kitaani uuliamik nassaarnissaminnut neriukkaluartut kingulliit taamaasillutik aallarput.

Taakkuali sioqqullugit Shell, Maersk Oil, ConocoPhillips, Statoil, Dong aamma GDF Suez franskiusut uuliap ukiuni kingullerni akiata, allanngoraqattaareerluni, 50 dollarimut aalaakkaasunngoriartornera ilutigalugu misissuinissaminnik pilersaarutitik unitsitiinnarpaat.

- Kikkut tamarmik unipput. Cairn Energyllu akuersissut pigisani kingulleq ukiup aappaata affaata ingerlanerani utertikkiartuaarlugu. Tamaaniiginnarnissaannut periarfissat misissoraluarpavut, tamarmilli ajornarsimaqaat, Aatsitassaqarnermut Naalakkersuisoqarfiup pisortaa Jørgen Hammeken-Holm, oqarpoq.

Namminersorlutik Oqartussat taamaammat akuersissutinik taakkuninnga, uuliasiorfiit anginersaasa atorunnaagaannik, neqeroortitsinissartik piareersarpaat – Baffinip Kangerliumarnanut tunngatillugu decembarip 15-ianni killeqarluni.

Uuliasiorfiit misissuisimasut misissugaasa inerneri akeqanngitsumik atorsinnaavaat.

Allanilli pilerinarsaataasinnaasunik soqanngilaq.

Cairn Energy pillugu allaaserisaq tamaat AG-mi ullumi saqqummertumi, linki uani ataaniittoq toorlugu atuaruk:

Powered by Labrador CMS