uulia
Uuliasioqatigiiffiit immaqa uteqqinngisaannassasut
Uuliasioqatigiiffiit tamarmik, ataaseq kisiat minillugu, ukiup naanerani tunuartertussanngorput. Mingutsitsisuunngitsunik atuinerulerneq uulialu akikitsoq uteqqinngisaannarnerannik kinguneqarsinnaavoq, naak nassaassaqarnera aatsaat taama ilimanartigileraluartoq
Kitaata avataani uuliasiortoqaqqilerumaarnersoq qularnaateqalerpoq.
Taama Nordeami uuliamut tunngasunik nalilersuisartuuneq Thina Margrethe Saltvedt oqarpoq, AG sapaatip-akunnerani kingullermi allaaserisaqareersorlu akuersissutit maanna atuuttut ukiup naanerani atorunnaarpara uuliasiortut qimagussorumaarnerannik.
Qularneq
Taamaalillutik Maersk, ConocoPhillips, PA Resources aamma Husky Oil akuersissutaatiminnik Namminersorlutik Oqartussanut ukiup naalernerani utertitsissapput.
Shell suli isumaqatigiinniarfigineqarpoq, isumalluarnarpallaanngitsumilli. Cairn Energy kiserngoruppoq, misileeqatigisinnaasaminik suleqatissarsinngikkuni misissueqqissaaqqikkusunngitsoq.
- Unneqqarissumik oqassaguma qularparunga. Eqqoriaruminaatsorujussuuvoq, aamma toqqaannartumik naaggaarnissaq uanga tigussanngilara. Kisianni taama pisoqarnissaa qularaara, Thina Margrethe Saltvedt Kitaata imartaani uuliasioqartoqaqqilernissaanut ilimanaatit pillugit oqarpoq.
Allaaserineqartoq aviisimi AG-mi sapaatip akunnerata matumani saqqummersumi atuarneqarsinnaavoq. Aviisi uani aamma pisiarneqarsinnaavoq: